Radioja Kombëtare Bullgare u ofron të gjithë adhuruesve të muzikës bullgare një koleksion unikal prej këngëve të Emill Dimitrovit. Në art shumë shpesh spekulohet me nocionin “legjendë”, por pikërisht kjo fjalë e karakterizon më saktë këngëtarin e madh bullgar Emill Dimitrov. Që nga kompozimi i tij i parë “Arlekino” në vitin 1960 deri më sot – 52 vjet më vonë, krijimtaria e tij është pjesë e jetës së shumë bullgarëve. Emill Dimitorov ishte artist i klasës më të lartë. Këngët e tij ndryshuan muzikën pop te ne dhe frymëzuan disa breza këngëtarësh bullgarë dhe vazhdojnë të gëzojnë edhe sot milionë fansa në Bullgari, Rusi, Francë, Itali. “Tingëllon në vetveten muzikë” është albumi i parë nga një sërë e tërësishme albumesh, të cilat kanë grumbulluar këngët e shumë këngëtarëve të dashur bullgarë. Në repertorin e vet Emill Dimitrov ka mbi 400 këngë, 280 prej të cilave janë vepër e vetë interpretuesit. Emill Dimitrov është i vetmi këngëtar bullgar, i cili ka bërë karrierë të suksesshme në Francë. Ai ka pasur kontakte personale me Sharl Aznavur dhe Dalida.
Po të doni të dëgjoni disa prej këngëve, të përfshira në albumin e ri, klikoni mbi ikonën AUDIO! Ju urojmë minuta të këndshme!
Përgatiti në shqip: Vesella Mançeva
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora..