Ndërroi jetë artisti i madh bullgar Naum Shopov

botuar më 12-04-19 12.29.MD

Foto: BGNES

Në moshën 82 vjeçare ndërroi jetë njeri nga titanët e teatrit dhe kinemasë bullgare Naum Shopov. Për një kohë të shkurtër ndërruan jetë disa prej artistëve të dashur dhe të respektuar bullgarë – Andrej Batashov, Kosta Conev, Vellko Kënev, ndërsa tani edhe Naum Shopovi. Të gjithë ata me talentin e vet lanë mbresa të thella te disa breza bullgarësh.

Me stilin e vet origjinal të lojës artistike Naum Shopovi shërbente si shembull i shumë aktorëve të rinj. Lindi në qytetin Stara Zagora në një familje artistike. E ëma e tij ishte artiste në teatrin vendas, ndërsa i ati – vite me radhë ishte drejtor i teatrit pranë vatrës së kulturës në qytet. Hapat e parë si aktor Naum Shopov i bëri në skenën e teatrit të qytetit të lindjes Stara Zagora. Pas kësaj në skenat e teatrove të qyteteve Burgas dhe Pllovdiv rikrijoi role të ndryshme të paharrueshme. Një njohje për talentin e vet Naum Shopovi fitoi në skenën e teatrit të Sofjes “Bëllgarska Armija”, ku luante më se një çerek shekulli. Dhe pikërisht në këtë skenë Shopovi e rikrijoi rolet më të famshme në karrierën e vet. Në vitin 1985 Naum u bë pjesë e trupit artistik të Teatrit Popullor “Ivan Vazov”, ku interpretonte role deri në pensionimin e tij. Në karrierën shumëvjeçare artistike ai rikrijoi personazhe të paharrueshme si Hamlet, Robespier, Don Bazilio, Sokrat, Mbreti Lir e kështu me radhë. Krahas kësaj Naum Shopovi mori pjesë në një sërë filmash bullgarë, që i sollën njohjen e publikut dhe kritikëve. U bë dy herë mbajtës i çmimit prestigjioz teatror “Askeer”.

Përulje para kujtesës së tij!

Последвайте ни и в Google News Showcase, за да научите най-важното от деня!

Ndaje

Ndërroi jetë artisti i madh bullgar Naum Shopov

Më shumë nga rubrika

Pjesëmarrje bullgare në një ekspozitë ndërkombëtare për të drejtat dhe dinjitetin e njeriut në Itali

Unioni i Përkthyesve në Bullgari mbushi gjysmë shekulli!

Propozojnë shfaqjen "Haga" nga Galin Stoev për një çmim evropian