Rifutja e drerit të rëndomtë në Rodopet Lindore

botuar më 12-04-25 12.43.MD

Foto: wikipedia.org

Dreri i rëndomtë haset në çdo mal të Bullgarisë. Gjatë viteve të 30-të të shekullit të kaluar kafsha e egër e lejuar për gjueti ishte në zhdukje. Ja pse disa organizata morën përsipër rritjen e popullatës.

Sot drerët e rëndomtë në vend numërojnë rreth 23 mijë, tregon statistika e gjuetisë. Bullgaria mban rekordin botëror të trofeut të drerit të rëndomtë. 10 nga 20 trofeve të parë në botë i përkasin Bullgarisë. Në vend shiten kopje të trofeve, ku brirët peshojnë nga 7 deri në 14 kg. Habitatet e drerit të rëndomtë nuk janë të shtrira njëlloj. Kështu p.sh. kafsha e egër haset në Rodopet Perëndimore, por jo në Rodopet Lindore. Andej funksionon projekti bullgaro-holandez “Ari i ri i Trakisë”, i cili synon të ruajë larminë biologjike dhe të inkurajon rifutje të kafshëve të zhdukura, siç është puna me drerit të rëndomtë.

Pse ka nevojë dreri i rëndomtë të rifutet në Rodopet Lindore? Temën e komenton Stefan Avramov, koordinator i projektit “Territoret e mbrojtura dhe mbrojtja e llojeve” të Fondacionit bullgar “Biodiversiteti”. “Në të kaluarën dreri i rëndomtë është hasur dendur në Rodopet Lindore. Pastaj u zhduk nën ndikimin e njeriut. Rregullisht vërehen kafshë që shtegtojnë. Por nuk mund të presim ta rifusim drerin e rëndomtë dekadat në vijim. Ky lloj mbarështohet kryesisht në qendrat shtetërore të gjuetisë, ku kontrolli ndaj gjuetisë pa leje është i forcuar –sqaron eksperti. – Ja pse ne i kapim kafshët dhe ia dorëzojmë qendrave të këtilla. Në disa vende të Bullgarisë Veriore rriten mbi 1000 drerë të rëndomtë. Për dhjetë vite fermerët mund të përfitojnë nga gjuetia e tyre.”

Z. Avramov vë theks mbi zinxhirin ushqimor në Rodopet Lindore. “Pas dhjetëra vitesh, drerët e rëndomtë do të shërbenin si ushqim për shpendët grabitqarë. Në rajon hasen shkaba kokëbardhë, shkaba e zezë dhe kali i qyqes.”

Projekti “Ari i ri i Trakisë” synon të çojë 15 drerë të rëndomtë në qendrën e gjuetisë “Studen kladenec”. Atje do të qëndrojnë 40 ditë sa të kalojnë periudhën karantinore. Pastaj do të zhvendosen në një hapësirë 20 hektarësh të rrethuar me gardh. Që të përcaktohet pozicioni i drerëve të rëndomtë, do t’u vihet atyre marrësi GPS. Projekti ka për qëllim që popullata në Rodopet Lindore të përbëhet së pakti nga 50 drerë të rëndomtë.

Përgatiti në shqip: Anna Kapitanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Rifutja e drerit të rëndomtë në Rodopet Lindore

Më shumë nga rubrika

Karta bullgare e identitetit është zgjedhur si më e mira në Evropë në një ekspozitë prestigjioze në Zvicër

Fëmijët bullgarë fituan një konkurs në SHBA për të projektuar një koloni hapësinore

Biblioteka në Jamboll me fushatën "Le të lexojmë për Bullgarinë"

Rrethi i Jetës: Si Rodopet Lindore u bënë një model për një ekosistem të rimëkëmbur

Mbi 4000 studentë nga e gjithë bota duan një stazh në institutin INSAIT në Sofje