Ju prezantojmë një prej klasikëve në kulturën muzikore bullgare Veselin Stojanov

botuar më 12-05-08 8.21.PD

Audio

Update Required To play the media you will need to either update your browser to a recent version or update your Flash plugin.

Veselin Stojanov ka lindur më 20 prill të vitit 1902 në qytetin e Shumenit – një prej qendrave kulturore në Bullgarinë Verilindore. Atje që në vitin 1851 u formua orkestra e parë bullgare e dhomës. Me këtë qytet është lidhur akoma një krijues i madh bullgar Panço Vlladigerov. Për dy vëllezërit Andrej Stojanov dhe Veselin Stojanov muzika u bë fati i tyre. Vëllai më i madh Andrej lëri një gjurmë të thellë në shkollën e pianos, kurse Veselin, që si nxënës bëri hapa të mëdhenj në sferën e kompozimit. Në akademinë Muzikore ai mësonte tek profesorët më të shquar të asaj kohe – Dobri Hristov, Stojan Brashovanov, Nikolla Atanasov. Më tej Veselin Stojanov e vazhdoi arsimin e vet jashtë. U diplomua në klasën e kompozimit të prof. Franz Schmid në akademinë e Vjenës. Gjatë viteve 30 Austria ishte një vend, ku krijonin emra të mëdhenj si Rihard Shtraus dhe Arnold Shjonberg. Duke studiuar përvojën e autorëve klasikë bashkëkohorë Stojanovi arriti të gërshetojë mjetet moderne muzikore të shekullit të XX me melodinë dhe ritmikën origjinale të folklorit bullgar.

Që me veprat e tij të para Veselin Stojanov dhe bashkëkohësit e tij Vlladigerov, Stajnov, Pipkov dhe Goleminov vunë themelet e një shkolle shumë të mirë kombëtare. Veprat e tyre shkaktuan interes të madh jo vetëm në Bullgari. Disa prej veprave të Veselin Stojanov u interpretuan pak pas premierës së tyre te ne edhe në Austri, Gjermani, Francë, Çeki.

Në vitin 1930 Veselin Stojanov u kthye në atdhe dhe u bë një prej themeluesve të Bashkimit të kompozitorëve bullgarë. Talenti, ndershmëria, zelli për punë. Rezultati i këtij gërshetimi është një krijimtari e jashtëzakonshme: operat “Mbretëria femërore”, “Salambo”, “Pjetri dinak”, baleti “Papesha Joana”, dy simfonitë, rapsodia për orkestër simfonike.

Një popullaritet shumë të madh gëzojnë tri koncertet për piano, si dhe koncertet për violinë dhe violonçel të Veselin Stojanovit. Nuk mund të mos përmendim dhe tri kuartetet e harqeve, si dhe disa kantatat.

Deri në vdekjen e vet në vitin 1969 Veselin Stojanovi ishte profesor i kompozimit në Akademinë muzikore në Sofje. Nga ai janë mësuar disa breza krijuesish, ndër të cilët: Aleksandër Tekeliev, Viktor Çuçkov etj.

Po të doni të dëgjoni disa prej veprave të Veselin Stojanovit klikoni mbi ikonën AUDIO! Ju urojmë minuta të këndshme!

Përgatiti në shqip: Vesella Mançeva

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

Ju prezantojmë një prej klasikëve në kulturën muzikore bullgare Veselin Stojanov

Më shumë nga rubrika

Në Sofje nis Festivali i parë i Muzikës Shpirtërore Korale

Kënga popullore bullgare nuk mund të përkthehet, por është magnetike për botën

"A do të puth" – kënga më e re e interpretueses Dani Ilieva

Një këngë e përjetshme bullgare në një version të ri