Rreth 1,5 miliardë euro janë investimet e pritura për këtë vit

botuar më 12-07-31 11.45.PD

Gjatë vitit 2011 investimet e huaja të drejtpërdrejta në Bullgari kanë arritur 1,34 miliardë euro, njoftuan nga Agjencia Bullgare e Investimeve, duke paraqitur raportin e Konferencës të OKB-së për Tregti dhe Zhvillim UNCTAD. Kjo do të thotë se, kemi tërhequr 0,15% nga të gjitha investimet në botë, që na rendit midis vendit të 50 dhe të 60 në “ranglistën” botërore mbi këtë tregues.

Prapë së prapi, gjatë 5 muajt e parë të këtij viti investimet në Bullgari janë shtuar 6-7 herë në krahasim me të njëjtën periudhë të vitit 2011. Por këtu është e nevojshme të bëhet një sqarim-është krejtësisht e mundur që këto investime të jenë operacione financiare, të cilat të mos të pasqyrojnë synimet investuese, por kreditimin brenda në firmë. Në Bashkimin Evropian më shumë investime gjatë vitit të kaluar janë bërë në Belgjikë – 89, 1 miliardë dollarë, në Rumani janë 2,6 miliardë, kurse në Greqi është pothuajse sa te ne – 1,82 miliardë. Sipas dikasterit gjatë këtij viti pritet midis 10 dhe 15% vëllim të këtyre investimeve, që do të thotë, se ato do të arrijnë 1,5 miliardë euro (1,9 miliardë dollarë).

Sektorët, në të cilët Bullgaria tërheq më tepër investime pas fillimit të krizës, janë prodhimi i komponentëve për industrinë e automobilave dhe autsorsingu i produkteve teknologjike. Gjatë vitit të fundit investimet në sektorin e ndërtimit të automobilave po vonohen për llogari të ritmeve të përshpejtuara të autsorsingut. Shkaku për këtë është se në Evropë tanimë janë ndërtuar kapacitete prodhuese, të cilat janë të mjaftueshme që të kënaqin kërkesat e tregut dhe bile dhe kompanitë tanimë kërkojnë një prodhim alternativ, që të mund të ruajnë vendet e punës, të cilat i kanë hapur më herët.

Sipas drejtorit të Agjencisë Bullgare të Investimeve, z. Borisllav Petkov më shpesh investuesit e huaj, të cilët interesohen nga tregu bullgar, studiojnë mundësitë për projekte në kufijtë e 10 milionë eurove dhe hapjen e 200 deri më 300 vende pune. Për këta investitorë vendi ynë u konkurrua me fqinjët Serbia dhe Rumania. Po kështu, vuri në dukje z. Petkov, pas ardhjes së krizës projekte të mëdha në përmasë të qindra milionë euro në Bullgari nuk vërehen, ato janë gjë e rrallë dhe për regjionin si tërësi.

Sipas raportit të UNCTAD Afrika formohet si regjion, tërheqja e së cilës për bërje të biznesit dhe hapjen e prodhimeve do të shtohet. Shkaku është te formimi i klasës së mesme në shtetet nga pjesa akvatoriale e kontinentit dhe reformat e tregut në to. Përveç Afrikës, Azisë Juglindore, Brazilit dhe Turqisë këto janë destinacionet drejt të cilave interesi do të vazhdojë të rritet. Sa i përket regjionit të Evropës Juglindore, shtetet në të do të tërheqin investime në përmasë të 80 miliardë dollarëve, por pjesa më e madhe prej tyre do të drejtohen drejt Rusisë dhe ish republikat sovjetike.

Përgatiti në shqip: Nataniela Vasileva

По публикацията работи: Dimitër Ushev

Последвайте ни и в Google News Showcase, за да научите най-важното от деня!

Ndaje

Rreth 1,5 miliardë euro janë investimet e pritura për këtë vit

Më shumë nga rubrika

Ministri i еnergjisë mësoi nga mediat për shitjen e “Lukoil Neftohim Burgas” nga kompania ruse

FT: “Lukoil i shet Neftohim në Burgas një konsorciumi kataro-britanik”

Punëdhënësit kërkuan nga Gjykata e Lartë Administrative ngrirjen e pagës minimale