Në rrëzë të malit Bukova (Malit të Ahut) që është pjesë e masivit të maleve Rodope, në afërsi të vendpushimit të njohur dimëror Pamporovo gjenden liqenet e bukura të Smoljanit. Duke u shtrinë në shpatën e majtë të luginës ku kalon lumi Çerna dhe nën majën Snezhanka, liqenet ndodhen pranë qytetit Smoljan. Dikur këto numëronin 12. Me kalimin e kohës për shkak a të pakujdesit të njeriut, a të fatkeqësive natyrore, liqenet mbetën 7 dhe një është kthyer në një liqen të vogël artificial. Ndonjëherë gjatë pranverës kur koha është me reshje disa nga liqenet sërish mbushen me ujë. Më pas kthehen në këneta dhe moçalishte. Mistike si malet Rodope, këto liqene ringjallin me ujërat e veta organizmat më të dobësuar dhe neutralizojnë rrezatimet e dëmshme.
Pas tragjedisë në centralin bërthamor “Çernobill” në Ukrainë, pranë liqeneve të njohura që nga koha e lashtë me cilësitë e tyre kuruese, u bë një eksperiment me mineral uraniumi. Para se t’i afronte ngarkesa e dëmshme e transportuar me kamion rajonit të liqeneve, rrezatimet përreth u shtuan. Mirëpo, kur kamioni u vendos pranë Liqeneve të Smoljanit, rrezatimet u zhdukën. Specialisti Ivan Todorov, i cili prej vitesh studion cilësitë e ujit, e shpjegon këtë fakt kështu: “Mineralet dhe elementët rrezatues kanë një periudhë të gjysmë-shpërbërjes – sqaron ai. – Fakti se rrezatimet në një çast të caktuar janë të forta, ndërsa në tjetër – të dobëta, ka të bëjë me shpërbërjen e lëndëve dhe përhapjen e rrezatimeve. Mbase ka të bëjë edhe me liqenet. Uji në natyrë e ka cilësinë që të ndryshojë mjedisin dhe rrezatimet elektromagnetike, si dhe përqendrimin e joneve në ajër. Në një mjedis ku ka shumë jone negative të favorshme për njeriun dhe ku asimilohen rrezatimet, kjo mund të ndodhë. Janë bërë prova të këtilla në disa institucione të njohura shkencore, siç janë ai i Hulumtimeve Kozmike në Graz të Austrisë dhe Akademia e Shkencave Natyrore në Moskë. Në këto qendra u hulumtua se ujërat e pastra në natyrë mund të spastrojnë ato të ndotura. Mbase e njëjta gjë ndodh edhe në rajonin e Liqeneve të Smoljanit. Është krejtësisht e natyrshme që uji të spastrohet vetë. Duke kaluar prej një gjendjeje agregate në tjetër, uji vazhdimisht ndryshon strukturën e vet. Ai çlirohet nga informacionet dhe lëndët e ndryshme të mbledhura.”
Sipas fizikanit Georgi Kazaliev, i cili ka bërë hulumtime në rajon gjatë eksperimentit me mineralin e uraniumit, pranë Liqeneve të Smoljanit dominojnë flladet e malit – këto erëra ristrukturojnë dukuritë elektrike në atmosferë. Atëherë shkencëtarët kanë hulumtuar se gjendja më e përshtatshme atmosferike për njeriun është ajo nga 600 deri në 6000 jone negative në një centimetër kub. Numri i joneve ndryshon te orët e caktuara gjatë ditës dhe këto janë më shumë në mëngjes dhe në darkë.
Personat me aftësi të kufizuara në Bullgari përballen me shumë vështirësi në jetën e tyre. Por përveç pengesave thjesht fizike, ka edhe pengesa në nivelin e aksesit në informacion dhe shërbimeve administrative. Edhe në ditën e zgjedhjeve, kur të gjithë..
"Unë votoj sa herë që mundem dhe ndodhem në një vend ku ka një mënyrë për ta bërë këtë," thotë me krenari dhe pa paragjykim për Radio Bulgarinë violinist i njohur bullgar dhe concertmaster i Orkestrës Mbretërore Concertgebouw në Amsterdam, Vesko..
Bullgarët zgjedhin sot 240 deputetë, të cilët do të hyjnë në Asamblenë e 51-të Kombëtare. Për pjesëmarrje në zgjedhje janë regjistruar 19 parti dhe nëntë koalicione. Për një vend në parlament do të konkurrojnë 4 858 kandidatë, 3 480 burra dhe..
Para zgjedhjeve presidenciale në SHBA, jo vetëm amerikanët janë të emocionuar. Edhe evropianët po presin me frymë të lodhur rezultatet – a do të..
Shpesh thuhet me ironi se njerëzit në Maqedoninë e Veriut marrin nënshtetësinë bullgare vetëm për qëllime egoiste. Prandaj, në regjistrimin e fundit..
Zoti i ka dhuruar njeriut cilësinë e madhe - të ëndërrojë, dhe ne ëndërronim që pikërisht këtu, në Muzeun Getty, të dëgjonim në bullgarisht për hapjen e një..
Pjesërisht me re
Mot i kthjellët