Gjithnjë e më shumë të rinj punojnë pa kontratë pune

botuar më 12-11-29 1.03.MD

Foto: BGNES

Papunësia ndër të rinjtë në Bullgari po rritet. Mirëpo në të njëjtën kohë shtohet edhe numri i të rinjve, që punojnë pa kontratë pune. Ato janë dy nga theksat e anketimit “Na tregoni” organizuar nga Konfederata e Sindikatave të Pavarura në Bullgari dhe “Forumi rinor shekulli i XXI-rë”. Të anketuarit janë të rinj në moshë nga 18 deri në 25 vjeçe nga mbarë vendi. Është sinjifikativ fakti, se mezi 43 për qind nga të anketuarit tregojnë, se kanë punë. Del, që shumica e firmave nuk dëshirojnë të angazhohen me programe të stazhierëve dhe kërkojnë njerëz me përvojë. Prandaj edhe pjesëmarrësit e anketimit tregojnë si pengesë kryesore mospërputhja e kërkesave të punëdhënësve me kompetencat dhe aftësitë reale të të rinjve, që kërkojnë punë.

“Në radhë të dytë të anketuarit tregojnë problemet e lidhura me mungesën e informacionit dhe mosnjohjen e të drejtave të punës, sociale dhe sindikale, thekson Daniella Alleksieva, kryetare e Shoqatës “Forumi rinor shekulli i XXI-rë” pranë Konfederatës së Sindikatave të Pavarura në Bullgari. 28 për qind nga të anketuarit pranojnë, se punëdhënësi i tyre u siguron mbi të ardhura më të ulëta se sa realet ose mbi minimumin sigurues. Edhe më shqetësues është fakti, se një pjesë prej të rinjve nuk dinë, a janë të siguruar apo jo. Të rinjtë ankohen nga rrogat e ulëta dhe nga mungesa e mundësive për zhvillim. Për më tepër, më se 50 për qind nga të anketuarit deklarojnë, se u bënë viktimë të shkeljes së të drejtave të punës, sociale ose sindikale nga ana e punëdhënësve. Pjesa dërmuese e këtyre të rinjve janë vajza. Ndër shkeljet, që hasen më shpesh në anketë janë: punë pa kontratë punë, mosrespektim i klauzolave të Kodit të Punës, mospagim i rregullt i rrogave. Ka raste, kur punëdhënësi refuzon shfrytëzimin e lejes së zakonshme vjetore.”

Papunësia ndër të rinjtë është një tendencë evropiane. Për shembull në Spanjë dhe në Greqi papunësia ndër të rinjtë arrin afro 50 për qind. Thënë me fjalë të tjera, në ato dy vende gjysma e të rinjve nuk punojnë. Çfarë duhet të bëhet më konkretisht, që të ndryshohet kjo tendencë negative në vendin tonë.

“Në radhë të parë, organizata jonë do të realizojë fushata të informacionit, kryesisht në rajonet jashtë kryeqytetit – tregon Daniella Alleksieva. – Do të informojmë të rinjtë për këtë, cilat janë të drejtat e tyre, çfarë duhet të dinë kur lidhin kontrata të punës, si të mbrojnë interesat para punëdhënësve. Konfederata e Sindikatave të Pavarura në Bullgari dhe “Forumi rinor shekulli i XXI-rë” kanë edhe propozime konkrete në lidhje me stazhin e punës, i cili detyrimisht duhet të paguhet. Krahas kësaj çdo stazhier duhet të ketë një kujdestar, i cili në të vërtetë të trajnojë të riun. Doemos në Bullgari ka edhe praktika të mira. Në kuadrin e programit operativ “Zhvillimi i rezervave njerëzore” ka stazh, i cili është një shembull i mirë, por kjo është një fenomen i përkohshëm dhe do të ekzistojë përderisa do të ketë financim. Problemet e të rinjve duhet të zgjidhen dhe prandaj janë të domosdoshme korrigjime në Kodin e Punës, të cilët të reglamentojnë kontratat e stazhit, pra marrëdhëniet midis punëdhënësit dhe stazhierit.”

Përgatiti në shqip: Svetllana Dimitrova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Gjithnjë e më shumë të rinj punojnë pa kontratë pune

Më shumë nga rubrika

Padurimi kognitiv, vetëvlerësimi i ulët, kultura turbo folk … cili është problemi me fëmijët tanë?

U mbyll me sukses java e tretë e Shkollës Verore të Gjuhës Bullgare në Tiranë

Prej 30 vitesh Fakulteti Ekonomik i Universitetit “Shën Kliment Ohridski” ofron studime në gjuhën frënge

Mbipesha është një problem që mund të zgjidhet

Mrekullitë e pyjeve bullgare janë paraqitur në Muzeun Historik Natyror të Çerni Osëm

Bullgarët u bënë zëvendës-kampionët botëror në debatet shkollore