Orkestra e Muzikës Popullore pranë Radios Kombëtare Bullgare ka lënë mbas vetes veprimtari më se gjysmëshekullore. Vitet e para të themelimit të orkestrës, anëtarët e saj kanë interpretuar drejtpërdrejt para mikrofonit të radios së sapokrijuar. Fillimisht interpretimet kanë qenë të shoqëruara me fyell, gajde, tambura dhe daulle. Vazhdimisht ndaj grupit u anëtarësuan këngëtarë nga mbarë vendi. Gjatë vitit 1952 u themelua Ansambli i muzikës popullore me orkestër dhe kor të femrave.

Dirigjenti legjendar i Orkestrës së Muzikës Popullore pranë Radios Kombëtare Bullgare është Kosta Kolev. Fillimisht ai ka qenë solist në orkestër, ka regjistrua me fjalë interpretime dhe ka mbledhur muzikë popullore për fondin e artë të radios. Gjatë gjithë kohës ai ka kontribuuar në mësimin e muzikantëve të rinj popullorë, ka themeluar dhjetëra shkolla të folklorit në Bullgari. Siç ka thënë bashkëshortja e tij, Maria Leshkova, gjithashtu këngëtare popullore “Kosta Kolev na bënte të shpresojmë në të nesërmen!”

Pas dirigjimit shumëvjeçar dhe shumë të suksesshëm të Kosta Kolevit, erdhi Hristofor Radanov. Në historinë e orkestrës së muzikës popullore pranë Radios Kombëtare Bullgare, emri i Hristofor Radiovit lidhet me shumë festime solemne, me prezantime të talenteve të reja, me koncerte madhështore etj. Dirigjenti i tanishëm i Orkestrës së muzikës popullore është Dimitër Hristov. Ai e mori përsipër këtë detyrë gjatë 2011-ës me ambicien të nxjerrë me shpesh muzikantët në skenën e huaj dhe të popullarizojë folklorin bullgar jashtë vendit.

Po të klikoni mbi ikonën AUDIO, do të dëgjoni interpretime të Orkestrës së Muzikës Popullore pranë Radios Kombëtare Bullgare.

Përgatiti në shqip: Anna Kapitanova
Fotografi: arkiv