Violinisti Dimo Dimov shënoi përvjetorin e tij të 75-të

botuar më 13-03-07 9.45.PD

Foto: ki-krasnoselo.com

AUDIO

Update Required To play the media you will need to either update your browser to a recent version or update your Flash plugin.

“Unë personalisht mendoj se ky ishte një koncert i mirë dhe nga reaksioni i publikut kuptova se ai gjithashtu është i këtij mendimi.” Këtë e tha violinisti prof. Dimo Dimov për koncertin e kuartetit të tij më 10 shkurt të këtij viti. Koncerti u zhvillua me rast të përvjetorit të 75-të të muzikantit. Ai doli në skenën e sallës “Bullgaria” bashkë me Emill Boshevin (violinë), Ognjan Konstantinovin (violë) dhe Hristo Tanevin (violonçel). Miq të posaçëm në koncert ishin Ljudmill Angellov (piano) dhe Valentin Gerov (violë). Në program u përfshinë vepra të Mocartit dhe Bramsit.

Dimo Dimov ka mbaruar Akademinë Muzikore në Sofje në vitin 1961. Që si student, në vitin 1956 ai themeloi kuartetin “Dimov”. Prof. Dimov ka qenë gjithashtu deputet në Legjislaturën e 38-të të Kuvendit Popullor, ministër i kulturës në periudhën 1990-1991, ambasador në Danimarkë nga viti 2001 deri më 2005-ën. Nga 1987-a deri më 1989-ën ka qenë rektor i Akademisë Muzikore “Panço Vlladigerov” në Sofje, ku edhe sot jep mësime të muzikës së dhomës. Kuarteti “Dimov” është marka e tij e rezervuar muzikore. Pavarësisht nga ndryshimet në kuartet gjatë viteve, Dimo Dimov vazhdon të fitojë famë dhe lavdi bashkë me kolegët e tij.

Kuartet “Dimov”

“Kjo që kam krijuar, ka ndryshuar gjatë të gjitha këtyre viteve. Për mua është shumë rëndësishëm se kuarteti ende ekziston – thotë me krenari prof. Dimo Dimov. – Kjo vetvetiu është një arritje e madhe. Të krijosh një formacion të tillë nuk është vështirë, është vështirë ta ruash.”

Dimo Dimov është themeluesi i festivalit të njohur të arteve “Apolonia”, i cili tashmë 29 vjet zhvillohet në qytetin bregdetar bullgar Sozopoll. “Nganjëherë nuk mund ta vlerësoj atë që kam bërë. Atë e bën publiku, adhuruesit e Festivalit “Apolonia” – thotë prof. Dimo Dimov. – Sivjet është edicioni i tij i 29-të. Festivali ka për qëllim të paraqesë të gjitha artet. “Apolonia” u bë një festival shumë prestigjioz ndërkombëtar. Kam shumë kolegë, të cilët duan të marrin pjesë në të, gjë që më gëzon shumë”.

Sivjet kuarteti “Dimov” do të ketë koncerte në Plovdiv, Stara Zagora, Gabrovo, Varna.

Po të doni të dëgjoni tërë intervistën me prof. Dimo Dimov dhe interpretime të zgjedhura të kuartetit të tij “Dimov”, klikoni mbi ikonën AUDIO!

Përgatiti në shqip: Vesella Mançeva

По публикацията работи: Sibilla Lillova

Последвайте ни и в Google News Showcase, за да научите най-важното от деня!

Ndaje

Violinisti Dimo Dimov shënoi përvjetorin e tij të 75-të

Më shumë nga rubrika

Papi Hans me një projekt të ri emocional – “Parkingu”

"Qyteti ynë"

"Në fund të tokës"

"Te dua"