Më 2 dhe 3 prill presidenti bullgar Rosen Plevneliev ishte për vizitë në Hungari. Bisedimet në Budapest konfirmuan gjendjen e mirë të dialogut politik në mes të të dyja vendeve, si dhe zhvillimin pozitiv të bashkëpunimit tregtaro-ekonomik. Ky i fundit vazhdon të zhvillohet megjithë ndikimet e pafavorshme të krizës financiare e ekonomike. U mendua një dinamikë e re në marrëdhëniet dypalëshe.
Bisedimet midis presidentit Plevneliev dhe homologut të tij hungarez, Janosh Ader, vërtetuan se në mes të të dyja vendeve nuk ka çështje delikate. Në këtë gjendje të marrëdhënieve politike dy palët përpiqen të nxisin dhe marrëdhëniet tregtaro-ekonomike. Këto të fundit në mes të Bullgarisë dhe Hungarisë gjithashtu janë të mira. Megjithë krizën financiare e ekonomike në botë, gjatë 2012-ës këmbimi reciprok i mallrave shënoi një rritje të konsiderueshme. Presidenti hungarez theksoi se ai mund të tejkalojë 1 mlrd euro në vit. Zhvillim tjetër pozitiv vërehet dhe një fushën e investimeve. Vitet e fundit kompanitë hungareze kanë investuar në Bullgari mbi 1 mld euro. Ky nivel është shumë i madh, duke pasur parasysh potencialin bujqësor të dy vendeve. Kështu Hungaria renditet në vendin e 10-të mes investitorëve të huaj në Bullgari.
Megjithëse gjendja e favorshme e marrëdhënieve dypalëshe në fushën e ekonomisë dhe të tregtisë u rikonstatua, dy presidentët diskutuan rreth përshpejtimit të tyre. Do të kërkohen mundësi bashkëpunimi kryesisht në fushën e energjetikës, në veçanti për burime të ndryshme dhe rruga të transportimit të tyre. Në këtë lidhje pala bullgare tregoi interes për projektin e lidhjes së rrjeteve të gazit në mes të Hungarisë, Çekisë dhe Sllovakisë. Kështu që në një etapë më të vonshme rrjetet e gazit të Bullgarisë dhe të Rumanisë të ngjiten në këtë lidhje të gazsjellësit. Suksesi eventual në këtë drejtim do të ishte me shumë rëndësi për Bullgarinë, duke marrë parasysh se vendit i takon ta avancojë aplikimin e rregullave të Pakos së Tretë të BE-së për Liberalizimin e Tregut të Energjisë Elektrike. Kështu që t’u sigurojë konsumatorëve bullgarë një mbrojtje më efikase dhe njëkohësisht ta pakësojë nivelin e varësisë nga faktorët e jashtëm.
Gjatë vizitës së presidentit Plevneliev në Hungari, biznesi vendas andej tregoi interes për bashkimin e ndërmarrjeve bullgare e hungareze në fusha të ndryshme ekonomike. P.sh., këto mund të bashkohen në fushat e teknologjisë ë lartë, logjistikës, bujqësisë dhe të prodhimit të ushqimit.
Për nga gjendja gjeografike Hungaria bie në Evropën Qendrore, kurse Bullgaria – në Evropën Lindore. Pra, dy vendet kanë interes të përbashkët për sa i përket rajonit të lumit Danub. Bullgaria shpreson shumë në projekte të përbashkëta me Hungarinë në lidhje me realizimin e Strategjisë së Danubit. Presidentët Plevneliev dhe Ader patën bisedime konkrete rreth forcimit të bashkëpunimit në fushën e lundrimit të anijeve, si dhe rreth kontrollit të cilësisë së ujit të Danubit.
U bë fjalë dhe për bashkëpunimin dypalësh në kuadër të BE-së. U vë theks kryesisht në pajtimin e buxhetit në periudhën e vijueshme të programeve të BE-së, në luftimin e papunësisë mes të rinjve dhe në anëtarësimin e domosdoshëm të vendeve të Ballkanit Perëndimor në BE. Presidenti Plevneliev shprehu pritjen e tij se Bullgaria dhe Rumania do të marrin pjesë aktive në dialogun me vendet e Evropës Qendrore nëpërmjet zgjerimit të të ashtuquajturit “Vishegrad plus”. Në të vijon të diskutohen dhe të zhvillohen projektet e ndërtimit të gazsjellësve “Nabuko” dhe “Rryma Jugore”. Këto të fundit janë me rëndësi shumë të madhe për Bullgarinë.
Vizita e z. Plevneliev në Hungari u zhvillua në një moment krize në Bullgari, e cila qeveriset nga kabineti teknik. Duket se drejtimet e bashkëpunimit, të theksuara gjatë vizitës në nivel presidentësh, do të jenë në rendin e ditës dhe pas zgjedhjeve të parakohshme parlamentare në Bullgari.
Përgatiti në shqip: Anna Kapitanova
Bullgarë janë të parët në botë që guxuan dhe arritën të kalojnë nga fundi në fund hapësirën më të paparashikueshme oqeanike - Oqeanin Arktik, me një varkë me vozitje. Stefan dhe Maksim Ivanovi janë baba dhe bir që realizuan edhe më parë ekspedita..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një ceremoni zyrtare që do të mbahet në tetor. Për çmimin prestigjioz janë nominuar 24 bashkatdhetare..
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një..
Bullgarë janë të parët në botë që guxuan dhe arritën të kalojnë nga fundi në fund hapësirën më të paparashikueshme oqeanike - Oqeanin Arktik, me një..