Sivjet skuadra e sportit vendas “Sllavia” mbush 100 vjet. Kjo është skuadra e parë e themeluar në Bullgari.
Në librin e parë të protokollit të “Sllavia”-s që tifozët e quajnë “Bibla e bardhë” shkruhet “sportistët kanë për qëllim edukimin fizik dhe inkurajimin e përsosjes fizike e morale”. Ky dokument u firmos nga 13 themeluesit e klubit dhe u ratifikua më 10 prill 1913 në Sofje. Javën që shkoi disa legjendarë dhe tifozë të “Sllavia”-s hapën një përmendore me rastin e themelimit të skuadrës. Këtë e bënë në qendrën e kryeqytetit në afërsi të Monumentit Rus.
"Sllavia” është një skuadër emblemë e Bullgarisë. Ndër futbollistët e saj më të shquar janë Aleksandër Shallamanov, Simeon Simeonov, Bozhidar Grigorov, Andrej Zheljazkov, Dobromir Tashkov etj. Historia e gjatë e skuadrës u shënua me një sërë suksesesh. “Sllavia” është kampione e shtatëfishtë e Bullgarisë. Titullin e fundit e fitoi më 1996. 11 herë ka fituar Kupën e Futbollit Vendas. Sportistët e “Sllavia”-s i quajnë të bardhët sepse rrobat i kanë me ngjyrë të bardhë. “Sllavia” është skuadra e parë e cila ka shkuar në gjysmëfinale evropiane. Në turneun e Kupës së Kupave Kombëtare më 1967 “të bardhët” u renditën në vendin e dytë pas finales kundër skuadrës skoceze “Rejnxhërs”.
Tifozët e “Sllavia”-s e dinë se skuadra ka korrur suksese të mëdha për Bullgarinë jo vetëm në fushën e futbollit. “Të bardhët” janë të parët të cilët kanë fituar në Turneun Evropian të Basketbollit. Më 1959 “Sllavia” triumfoi me Kupën e Kampioneve të Evropës. Atëherë garoi Vanja Vojnova që tifozët e quajnë sportisten më të mirë të basketbollit të të gjitha kohërave.
"Sllavia” është dhe skuadra e parë e volejbollit vendas i cili ka qenë në finalen e një turneu evropian. Kjo ndodhi më 1962 kur “të bardhat” kanë garuar për Kupën e Kampioneve të Evropës. Atëherë sportistët fituan medaljen e argjendtë.
Me rastin e përvjetorit të saj “Sllavia” mori dhurata nga skuadra të tjera të mëdha bullgare. Ministri i Sportit, Petër Stojçev, dhe kryetari i Bashkimit Bullgar të Futbollit, Borisllav Mihajllov, dekoruan disa nga sportistët legjendarë të “Sllvia”-s.
Kjo që “të bardhët” ia kanë dhënë sportit bullgar nuk mund të harrohet. Prezenca ime këtu është një shenjë e qartë e adhurimit tim ndaj sportistëve të mëdhenjtë dhe të figurave të “Sllavia”-s”, tha ministri Stojçev. Krenohem se “Sllavia” mbushi 100 vjet. Vetë unë kam garuar për “të bardhët” dhe jam shumë mirënjohës, deklaroi z. Mihajllov.
Ndër të dekoruarit ishin Andrej Zheljazkov, Stefan Kolev, trajneri i zëvendës kampionëve të volejbollit në Lojërat Olimpike të 1980-ës në Moskë – Todor Piperkov, dhe legjenda e topit në ujë, Georgi Gaxhev.
“Sllavia” edhe sot gëzon tifozë të cilët besojnë se “të bardhët” do të korrin fitore me radhë për Bullgarinë.
Përgatiti në shqip: Anna Kapitanova
Sipas renditjes botërore të tenistëve të publikuar sot, Grigor Dimitrov ruan pozitën e dhjetë, ndonëse nuk arriti të mbrojë pikët nga titulli në Brisbane për shkak të lëndimit. Bullgari humbi 150 pikë dhe është me një aktiv nga 3200 – 5 më shumë se..
Grigor Dimitrov humbi shansin për të marrë një rrugë më të lehtë për të mbrojtur titullin e tij në Brisbane pasi lideri në skemë Novak Gjokoviq u eliminua. Fatkeqësisht, bullgari u dëmtua në ndeshjen gjysmëfinale kundër çekut Jiri Lehechka dhe u largua nga..
Tenisti bullgar Grigor Dimitrov, i cili mbron titullin e tij në Brisbane, mposhti përfaqësuesin vendas, Xhordan Tompsën me 6:1, 2:1, gjë pas së cilës kundërshtari i tij u tërhoq për shkak të lëndimit. Kështu, bullgari arriti në gjysmëfinalen e tij të..
Pjesërisht me re
Mot i kthjellët
Vranësira të dendura