Sivjet skuadra e sportit vendas “Sllavia” mbush 100 vjet. Kjo është skuadra e parë e themeluar në Bullgari.
Në librin e parë të protokollit të “Sllavia”-s që tifozët e quajnë “Bibla e bardhë” shkruhet “sportistët kanë për qëllim edukimin fizik dhe inkurajimin e përsosjes fizike e morale”. Ky dokument u firmos nga 13 themeluesit e klubit dhe u ratifikua më 10 prill 1913 në Sofje. Javën që shkoi disa legjendarë dhe tifozë të “Sllavia”-s hapën një përmendore me rastin e themelimit të skuadrës. Këtë e bënë në qendrën e kryeqytetit në afërsi të Monumentit Rus.
"Sllavia” është një skuadër emblemë e Bullgarisë. Ndër futbollistët e saj më të shquar janë Aleksandër Shallamanov, Simeon Simeonov, Bozhidar Grigorov, Andrej Zheljazkov, Dobromir Tashkov etj. Historia e gjatë e skuadrës u shënua me një sërë suksesesh. “Sllavia” është kampione e shtatëfishtë e Bullgarisë. Titullin e fundit e fitoi më 1996. 11 herë ka fituar Kupën e Futbollit Vendas. Sportistët e “Sllavia”-s i quajnë të bardhët sepse rrobat i kanë me ngjyrë të bardhë. “Sllavia” është skuadra e parë e cila ka shkuar në gjysmëfinale evropiane. Në turneun e Kupës së Kupave Kombëtare më 1967 “të bardhët” u renditën në vendin e dytë pas finales kundër skuadrës skoceze “Rejnxhërs”.
Tifozët e “Sllavia”-s e dinë se skuadra ka korrur suksese të mëdha për Bullgarinë jo vetëm në fushën e futbollit. “Të bardhët” janë të parët të cilët kanë fituar në Turneun Evropian të Basketbollit. Më 1959 “Sllavia” triumfoi me Kupën e Kampioneve të Evropës. Atëherë garoi Vanja Vojnova që tifozët e quajnë sportisten më të mirë të basketbollit të të gjitha kohërave.
"Sllavia” është dhe skuadra e parë e volejbollit vendas i cili ka qenë në finalen e një turneu evropian. Kjo ndodhi më 1962 kur “të bardhat” kanë garuar për Kupën e Kampioneve të Evropës. Atëherë sportistët fituan medaljen e argjendtë.
Me rastin e përvjetorit të saj “Sllavia” mori dhurata nga skuadra të tjera të mëdha bullgare. Ministri i Sportit, Petër Stojçev, dhe kryetari i Bashkimit Bullgar të Futbollit, Borisllav Mihajllov, dekoruan disa nga sportistët legjendarë të “Sllvia”-s.
Kjo që “të bardhët” ia kanë dhënë sportit bullgar nuk mund të harrohet. Prezenca ime këtu është një shenjë e qartë e adhurimit tim ndaj sportistëve të mëdhenjtë dhe të figurave të “Sllavia”-s”, tha ministri Stojçev. Krenohem se “Sllavia” mbushi 100 vjet. Vetë unë kam garuar për “të bardhët” dhe jam shumë mirënjohës, deklaroi z. Mihajllov.
Ndër të dekoruarit ishin Andrej Zheljazkov, Stefan Kolev, trajneri i zëvendës kampionëve të volejbollit në Lojërat Olimpike të 1980-ës në Moskë – Todor Piperkov, dhe legjenda e topit në ujë, Georgi Gaxhev.
“Sllavia” edhe sot gëzon tifozë të cilët besojnë se “të bardhët” do të korrin fitore me radhë për Bullgarinë.
Përgatiti në shqip: Anna Kapitanova
Viktoria Tomova filloi me fitore pjesëmarrjen e saj në turneun e tenisit në bar në Bad Homburg të Gjermanisë, me një fond shpërblyes prej më shumë se 802 mijëeuro. Bullgarja, e cila kaloi kualifikimet, fitoi me 6:1, 6:3 ndaj përfaqësueses së..
Vozitësi i njohur bullgar i oqeanit Stefan Ivanov po shkon në një shëtitje me varkë me vozitje nëpër Oqeanin Arktik, njoftoi BTA. Në vitin 2023, ai mori pjesë në një tjetër ekspeditë që vendosi 8 rekorde botërore Guinness në Oqeanin Jugor, pasi..
Tenistja më e mirë bullgare, Viktoria Tomova , arriti një renditje rekord në karrierën e saj. Në renditjen e përditësuar të WTA, ajo u ngjit në vendin e 63-të me gjithsej 1035 pikë. Deri më tani, renditja më e mirë e Tomovës ishte pozita e 64-të..
Mot i kthjellët
Pjesërisht me re