Në kohën e konkurrencës midis gjinive të ndryshme muzikore si pop, xhaz, rok, folklor, muzikë klasike etj. është aktuale pyetja: “Cila prej këtyre gjinive ka shansin real për t’u dëgjuar më shumë në të ardhmen? Interpretuesit më largpamës janë të qartë se tërheqja e auditorit rinor dhe edukimi i të dëgjuarit të fëmijëve kanë rëndësi kyçe në luftimin për vëmendjen e dëgjuesve. Ndoshta kështu ka lindur ideja “Xhazi për fëmijë” e trumbetarit Vencisllav Bllagoev. Ai është solist në Big Bendin e Radios Kombëtare Bullgare. Xhaz-koncertet për fëmijë janë marka e tij e rezervuar. Tashmë tre vjet ai e improvizon idenë e vet në formate të ndryshme dhe me tituj të ndryshëm.
“Xhazi për shpendë të guximshëm” – është variacioni i tij i parë me temë: “Xhazi për fëmijë”. Koncertet me këtë emër u dëgjuan për herë të parë para tre vjetësh në kryeqytetin e Sofjes. Ky ishte fillimi i nismës së guximshme të muzikantit.
“Xhazi për fëmijë” filloi të fitojë një popullaritet gjithnjë e më të madh. Kështu lindi dhe variacioni i tretë me titull “Dorashka e gjyshit”. Një vit më vonë në grupin e muzikantëve u përfshi dhe këngëtarja Takara Hashimoto. Kështu koncertet u bënë me ngjyra ekzotike. Fëmijët mësohen të dëgjojnë, duke bërë figura interesante prej letre. Variacioni i tretë lindi krejt natyrshëm me emrin “Xhazi dhe origamet”. Projekti “Xhazi për fëmijë” hyn në programin e festivaleve “Ditët e muzikës” në Shtëpinë e Ballabanovit në Plovdiv, Bullgari Jugore, në “Bllagoevgrad Xhaz-fest” dhe në “Xhaz forumi Stara Zagora”.
Fëmija e parë, i cili doli në skenë bashkë me xhaz-muzikantët, ishte këngëtarja 10 vjeçe Daniella Ilieva. Ajo merret me këndim në Shkollën për xhaz-këngëtarë “D' Stars”. Aktualisht adoleshentja 13 vjeçe është e njohur si finalistja në edicionin bullgar të “Eurovision Junior”.
Për herë të parë projekti “Xhazi për fëmijë” u zgjerua në “Xhazi për fëmijë nga fëmijët”, kur në grupin e Vencisllav Bllagoevit u përfshi Kori i fëmijëve “Shturçe” me dirigjente Irena Hristova.
Improvizimi i radhës ishte provokuar nga vizita në Sofje e Korit të filarmonisë të Pragës, me dirigjente Svetllana Tvrzicka. Në sallën e Institutit Kulturor të Çekisë fëmijët e korit kënduan për herë të parë bashkë me muzikantët e Vencisllav Bllagoevit.
Radioja Kombëtare Bullgare e ka kontributin e vet në projekt. Gjatë muajit prill muzikantët interpretuan një “Xhaz koncerti pranveror për fëmijë”. Programi përbëhej vetëm prej këngësh bullgare për fëmijë, të krijuara në media gjatë 30 viteve të fundit.
Përgatiti në shqip: Vesella Mançeva
Fotografi: jazzforkids.bg
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..
I preferuari i disa gjeneratave, magjepsësi i përjetshëm me zë prej kadifeje, Orlin Goranov, shënon 50 vjetorin në skenë me një turne. I pari nga koncertet është në Plovdiv më 26 qershor, pasuar nga pesë të tjera në qytetet më të mëdha të vendit...
Stefan Vëlldobrev dhe "Të dyshuarit e zakonshëm" i pret një verë e nxehtë - më 27 qershor, ata do të fillojnë një turne në mbarë vendin, duke filluar nga qyteti Ruse, në të cilin do të prezantojnë albumin e ri "Pikëpyetjetë mahnitshme". Ai..
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë..
Më shumë se 40 vjet më parë, një këngë u bë simbol i miqësisë. Por edhe sot ajo na sjell ngrohtësinë e emocioneve pozitive - të qeshurat, gëzimi,..