Bojan Benev: “Në Bullgari ende ka ndodhi interesante”

botuar më 13-07-16 9.54.PD

Në konferencën kushtuar investimeve në sektorin e IT-së, që u organizua nga Bojan, në Sofje mbërritën mbi 40 sipërmarrës ndërkombëtarë.

Foto: Архив

Bojan Benev është një burrë i suksesshëm. Është 28 vjeçar. Për herë të parë emri i tij doli në dritë para 5 vjetësh kur gazeta Start Your Business e shpalli atë ndërmarrësin më të mirë mes të rinjve në Britaninë e Madhe. Andej bullgari ka qenë shef i një firme konsultative për shitjen e pasurive të patundshme në Bullgari.

Bojan Benev është vendosur në Angli në moshën 6-vjeçare së bashku me prindërit e tij. Rastësisht është bërë biznesmen. I pëlqen të eksperimentojë. Çdo punë që merr përsipër e bën të ndihet i lirë. Bojanit i bëhen qejfi udhëtimet dhe takimet me njerëz të ndryshëm. Në moshën 12-vjeçare ka bërë hapat e tij të parë në biznes, duke përgatitur dhe duke shitur gazetën shkollore në Leeds të Britanisë së Madhe. Në moshën 17-vjeçare Bojan është marrë me marketing dhe ka bashkëpunuar me kompani të mëdha të cilat ofrojnë produkte dhe shërbime për të rinjtë. Bullgari i talentuar ka mbaruar ekonomi dhe biznes në Londër.

Bojan Benev

“Kam shumë vite që merrem me biznes – thotë Bojan. – Fillimisht më tërhoqi ana financiare e kësaj sfere, por së shpejti mësova se e rëndësishmja nuk është paraja. Më pëlqen procesi i realizimit të idesë. Një ide që bëhet e vërtetë dhe është në dobi të njerëzve. Më bëhet qejfi kur mbledh profesionalistë nga fusha të ndryshme, të cilët formojnë një ekip të përbashkët.”

Aktualisht Bojan Benev bashkëpunon me kompani të mëdha bullgare në fushën e marketingut dhe të komunikacionit. Po ashtu punon dhe në sektorin e IT-së. Para pak kohësh në Sofje Bojan organizoi një konferencë ndërkombëtare kushtuar investimeve në sektorin e IT-së. Bullgari shpreson se eksperiencën të cilën ka në biznes do t’ia drejtojë sferës sociale. Po ashtu interesohet për arsimin. Bashkë me një shok të tij nga Australia, Bojan ligjëron në Universitetin e Sofjes “Shën Kliment i Ohrit”.

Biznesmeni i ri pohon, se muzika shoqëron punën e tij. Ja pse ka rënë dakord për të financuar projektin e parë të grupit “Oratnica”. Në Bullgari Bojan Benev është kthyer më 2009, sepse në vend ka botuar librat e tij “Librushka e biznesit” dhe “Librushka e realitetit”. Është i mendimit se në Bullgari ka potencial dhe se ende ka ndodhi interesante. Pohon se do të mbetet në atdhe.

Libri i tretë i Bojanit titullohet “Dy brezat”. Rrëfehet për pamjen e Bullgarisë 40 vitet në vijim. Autori parashikon rikthimin e shumë emigrantëve bullgarë në atdhe. Sipas tij, asnjë shtet nuk ofron mundësi zhvillimesh, dhe vetë duhet t’i krijosh ato.

Bojan, çfarë parashikoni për Bullgarinë pas dy brezash?

“Besoj se potenciali i vendit tonë do të fillojë të realizohet. Ka shumë gjëra të mira të cilat mund të bëhen në Bullgari. Duhet të vendosim një bazë stabile. Ia vlen të investojmë kohën tonë për brazat e ardhshëm.”

Përgatiti në shqip: Anna Kapitanova
Fotografi: arkiv personal

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Bojan Benev: “Në Bullgari ende ka ndodhi interesante”

Më shumë nga rubrika

Eksploruesit polarë bullgarë dhe francezë tregojnë për sfidat në Antarktidë

Rajna Manxhukova: Dua që lufta të mos ndajë komunitetin bullgar të besarabëve në Ukrainë dhe Moldavi

Zgjedhjet përfunduan, në pritje të zgjedhjeve të tjera!

Tirana njoftoi të dhëna zyrtare të përditësuara për bullgarët në Shqipëri

Gjysma e diabetikëve në Bullgari nuk janë diagnostikuar dhe konsiderohen të shëndetshëm

Një pemë e bukur bullgare e Krishtlindjeve shkëlqen sërish në Muzeun e Industrisë në Çikago