“Jazzball” – albumi i ri i kuintetit të Hristo Jocovit

botuar më 13-07-16 10.09.PD

Foto: arkiv personal

AUDIO

Update Required To play the media you will need to either update your browser to a recent version or update your Flash plugin.

Hristo Jocov është perkusionit i njohur bullgar. Albumi i fundit i kuintetit të tij titullohet “Jazzball”. Hristo është autori i të gjitha këngëve në CD-në e re. Për mendimin e tij muzika dhe sporti gëzojnë shumë gjëra të përbashkëta.

“Rregullat, talenti dhe respekti ndaj skuadrës vlejnë si për sportin, ashtu dhe për muzikën. Projekti “Jazball” bashkoi shokët të cilët garojmë në emër të “skuadrës sonë” – thotë Hristo Jocov. – Muzikantët janë Misho Josifov (bori dhe flyugelhorn), Mitko Ljolev (saksofon), Mitko Karamfillov dhe Boris Taslev (bas) dhe Milen Kukosharov (piano). Ky i fundit i bie Rhodes-it 1971. Ky është një nga instrumentet e preferuara për mua. Në kopertinën e CD-së ka një top tenisi. Në moshën e fëmijërisë isha tenist. Shumica e pjesëve në “Jazzball” janë të sapokrijuara dhe për herë të parë dalin në dritë në këtë album dhe në koncertet ku i promovojnë ato. Dua të theksoj pjesëmarrjen e Shibill Benevit. Ai është një baterist i madh bullgar, i cili kohët e fundit nuk gjendet kollaj në vend.”

Hristo Jocov është interpretues dhe kompozitor i njohur. Po ashtu ligjëron në drejtimin e perkusioneve në Akademinë Kombëtare të Muzikës në Sofje.
“Shpresoj se çdo student i imi do të bëhet artist i vërtetë – pohon profesori. – Zakonisht të mërkurën mbledh muzikantë të rinj me të cilën interpretojmë kryesisht muzikë xhaz. Para pak kohësh dhamë një koncert të mrekullueshëm në Sofje. Ishte një përjetim i fortë. Më bëhet qejfi kur shoh interpretues të rinj të frymëzuar dhe të entuziazmuar. Me studentët kemi më tepër marrëdhënie miqësore se sa profesionale. Ndajmë emocionet e muzikës.”

Më 24 korrik Hristo Jocov dhe pianisti Mario Stançev do të japin koncert në Radion Kombëtare Bullgare. Më 26 korrik ata do të interpretojnë së bashku në skenën e festivalit të xhazit në Varna. “Mario nuk njihet mjaft në Bullgari. Ai është një muzikant fantastik i cili jeton në Francë – shpjegon Hristo. – Për herë të parë takova Marion gjatë viteve të 80-ta të shekullit të kaluar. Bashkëpunimi me të ndikoi shumë në formimin e muzikantit tek unë.”

Përgatiti në shqip: Anna Kapitanova

По публикацията работи: Allbena Bezovska

Последвайте ни и в Google News Showcase, за да научите най-важното от деня!

Ndaje

“Jazzball” – albumi i ri i kuintetit të Hristo Jocovit

Më shumë nga rubrika

Grupi Vokal “Radiodeca” sjell magjinë e Krishtlindjes

“Zëri i qetë” dhe mesazhi që të mos kesh frikë të jesh i dobët

"Në izolator"- një këngë e lindur nga përvoja e jetikës

Vasko Vasilev-Bazilio në vitin e ri me kujtime dhe mirënjohje

Paola e re dhe "Fuqia e dashurisë"