Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Me biçikletë në malet Rodope

Foto: newthraciangold.eu

Malet Rodope janë një vend mistik ku gjenden tempuj të lashtë dhe shtrihen vendbanime të paprekura nga qytetërimi i sotëm. Mënyra më e mirë për t’i njohur Rodopet është t’i hipësh biçikletës. Itineraret e posaçme për turizëm me biçikletë kalojnë poshtë e lartë kodrave, buzë formimeve shkëmbore, në afërsi të gropave të thella dhe nëpër livadhet ku shpërndahet era e barnave.

Itinerari më i ri në malet Rodope është me gjatësi 500 km. Ai kalon mes 18 vendbanimeve, afër 3 liqeneve artificiale dhe 3 lumenjve, si dhe nëpër lokalitete me gjurmë nga periudhat e ndryshme historike. Më së shumti biçikletistët të cilët e kalojnë itinerarin janë njerëz të rinj. Interes ka jo vetëm nga Bullgaria, por dhe jashtë vendit.

Itinerari kalon edhe buzë lumit Arda

Itinerari i ri është i ndarë në 17 shtigje, çdo prej të cilave kalohet brenda një dite. Gjatë rrugës biçikletistët orientohen falë shenjave të vendosura dhe ka hotele familjare ku mund të strehohen. Niset nga fshati Trigrad dhe mbërrihet në liqenin artificial Ivajlovgrad ku ka mundësi të mira për sporte uji dhe argëtime të tjera. Pjesa e kalueshme me pak vështirësi është ajo në lokalitetin “Bojnik planina” sipër qytetit Kërxhali. Pjesa e cila kalohet pa problem fare është tatëpjeta nga fshati Gorno pole deri te fshati Rabovo. Itinerari është i kalueshëm për fëmijët. Kështu që nuk ka lidhje mosha e biçikletistit. “Ne duam të inkurajojmë turizmin e qëndrueshëm në rajon” – thotë Mihaella Mirçeva nga projekti bullgaro-holandez “Ari i ri i trakëve”. Ky i fundit ndihmoi në realizimin e itinerarit në malet Rodope.

Hotelet familjare në fshatin Gorno pole ofrojnë komoditet për biçikletistët e lodhur

“Ideja është që biçikletisti të bëhet pjesë e ditës së përditshme të banorëve në mal – shpjegon znj. Mirçeva. – D.m.th. të njihet me traditat dhe zakonet vendase. Pse jo të përfshihet në ndonjë festival ose aktivitet tjetër. Për sa i përket strehimit në hotelet e vogla, ne i kemi kontrolluar ato. Pronarët e tyre janë njerëz të besueshëm dhe me kënaqësi u përfshinë në këtë rrjet.”

Dy vjet me radhë Kirill Makarov ka hulumtuar terrenin malor kështu që itinerari të jetë sa më i përshtatshëm për t’u ngarë biçikletë. Ideja është që distanca midis hoteleve të vogla të mos kalojë në mes vendbanimeve të mëdha dhe biçikletisti të jetë gjithmonë në gjirin e natyrës. Kirill Markov këshillon që ngasja e biçikletës të shoqërohet me argëtimet e tjera në rajon, si p.sh. kalërimi, peshkimi, vështrimi i shpendëve, ngjitja e malit, xhiroja me kajak në lumenj etj. Në hotelet e vogla ofrohen gjellë tradicionale, të cilat janë shumë të shijshme. Sipas fjalëve të Kirill Markov pronarët i lejojnë biçikletistët që të hapin tendë në oborrin e hoteleve. Po ashtu jepen biçikleta me qira. Në qendrat vendase të informacionit mund të gjeni hollësi rreth itinerarit dhe hoteleve të vogla.

Malet Rodope i mahnitin turistët me pamje të bukura.

Për më shumë informacion klikoni këtu

Përgatiti në shqip: Anna Kapitanova
Fotografi: newthraciangold.eu, Veneta Nikollova

По публикацията работи: Veneta Nikollova


Последвайте ни и в Google News Showcase, за да научите най-важното от деня!

Më shumë nga rubrika

Hotel apo pronë pushimi – çfarë është më fitimprurëse dhe komode?

Ofertat e pronave për pushime në Bullgari janë rritur me 30-40% në tre vitet e fundit. Aktualisht numri i tyre i kalon 20 mijë. Gjithnjë e më shumë klientë preferojnë të marrin me qira një apartament apo edhe një shtëpi të tërë gjatë pushimeve të..

botuar më 24-08-07 7.15.PD

Sofja tashmë ka një autobus për një turne panoramik nëpër atraksionet qendrore të qytetit

Sofja raporton një rritje prej 7% të numrit të turistëve për gjysmën e parë të 2024. Rritja është 15% sipas bazës vjetore për vitin 2023, me trafik turistik madje mbi nivelet e para Covid-19. Këto të dhëna optimiste e kanë motivuar administratën e..

botuar më 24-08-04 8.15.PD

Nga vreshti në shishe – “Mavrudi” legjendar si pjesë e kartëvizitës së Bullgarisë

 “Poezia në një shishe” - kështu e përcaktojnë njohësit varietetin emblematik të verës vendase “Mavrud”. Ajo karakterizohet me një ngjyrë të thellë rubin, si dhe nivele të larta të taninit dhe acideve. Në pijen legjendare bullgare mbizotërojnë..

botuar më 24-07-28 12.20.MD