Kënga e re e Nora Karaivanovasë quhet “Syza pembe”. Ky është projekti i dytë me të dashurin e saj, kitaristin Biser Ivanov. Së bashku mund të dëgjohen në skenat e klubeve të natës. Ylli i ka shndritur Norës në programin televiziv “Music Idol”, por rruga e saj muzikore filloi më herët. Si fëmijë ajo këndoi në Formacionin “Patilanci” në qytetin e Gorna Orjahovicës. Nora fitoi çmimet e disa konkurseve kombëtare dhe ndërkombëtare. Aktualisht talentja e re është studente në degën “Këndim pop dhe xhaz” pranë Akademisë Muzikore të Sofjes.
© Foto: dobrinite.com
Në skenë u ngjit një duet i ri – Iskren dhe Bllagovest. Bëhet fjalë për vokalistët e grupeve “Latinopartizani” dhe “Atlas” – Iskren Pecov dhe Bllagovest Zerliev. Të dytë ndajnë të njëjtin pasion – muzikën e “Beatles”. Ideja e tyre fillestare ishte të incizojnë një album me këngë të Xhon Lenonit dhe Pol McCartney-it. A do të realizohet ky projekt – vetëm koha do të tregojë...
© Foto: slusham.com
Në fillim të gushtit në Teatrin Veror të Burgasit u zhvillua Konkursi Tradicional për Këngë të Re Bullgare – “Burgasi dhe deti”. Në vend të dytë u klasifikua “Kënga e vogël për dashuri” në interpretim të këngëtares së re Nedeljana Hristova. 22-vjeçarja studion në degën “Këndim pop dhe xhaz” pranë Akademisë Muzikore të Sofjes. Akoma si fëmijë Nedeljana u dallua në disa konkurse muzikore në Dominikanë, Poloni, Rumani dhe Gjermani. Ajo bëri publikun për vete me interpretimin “Këngën e vogël për dashuri”.
© Foto: Facebook
Dashuria ndaj blues-it grumbulloi katër muzikantë bullgarë në grupin “Delta Roosters”. Cilët janë ata? Mësojmë nga vokalisti i grupit – Anton Serkexhiev: “Grupi ekziston më se një vit e gjysmë. Së pari ishim vetëm me kitaristin Petër Georgiev. Pas pjesëmarrjes në Takimet Blues të Sofjes formuam një grup me muzikantin Mihail Shishkov i cili i bie kitarës tipike për stilin blues – “dóbro”. Muzikanti i katërt është Eero Turka nga Finlanda i cili është martuar në Bullgari dhe i bie harmonikës. Grupi ynë ekzekuton kompozime të stilit delta blues. Kompozojmë edhe në stile të ndryshime si swing, rok and roll dhe boogie-woogie. Marrim pjesë në shumë festivale si në “Ditët e Çikagos në Sofje.”
© Foto: arkiv
Atazar, Kris V dhe këngëtarja Aleksandra Ivanova prezantuan këngën e tyre të përbashkët "Mbetu" me një video shumëngjyrëshe që na transferon në bregdet. Aleksandra i bashkohet për herë të parë ekipit të Atanas Zajkov - Atazar dhe Krëstjo Livrov - Kris..
Shkëmbinjtë mbi fshatin Kamen Brjag, jo shumë larg qytetit tonë bregdetar të Kavarnës, për të dhjetën herë bëhen skena e Festivalit "Xhaz nën Yje". Këtë vit eventi zhvillohet më 19 dhe 20 korrik. Natën e parë adhuruesit e xhazit shijuan..
Për të pestin vit radhazi, Sofia Summer Fest - festivali veror i Sofjes - do të ofrojë përjetime të paharrueshme në kulmin e verës. Në Parkun e Jugut, në 30 ditët më të nxehta të sezonit, banorët dhe mysafirët e kryeqytetit do të kenë mundësinë të..
Shtëpia e Kulturës "Sredec" në Sofje shënon 50 vjetorin e saj me një sërë ngjarjesh muzikore nën titullin "Ishulli i Muzikës". Në këtë mënyrë,..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon"...