Stefan Gjeorgjiev: “Fizarmonika është pasioni i jetës sime”

botuar më 13-08-29 10.35.PD

Foto: stefangeorgiev.alle.bg

AUDIO

Update Required To play the media you will need to either update your browser to a recent version or update your Flash plugin.

Fizarmonicisti Stefan Gjeorgjiev mbushi dyzet vjeç. Publikut i pëlqejnë vallet e vrullshme, plot zjarr dhe hare të ekzekutuara prej tij. Në fakt, ai ka mbaruar Shkollën Muzikore për piano dhe përpara nja trembëdhjetë viteve krijoi një trio (piano, kitarë dhe solist) me të cilën edhe sot e kësaj dite punon në Norvegji. Bashkëshortja e tij Kremena merr pjesë në trion si këngëtare. Kanë dhe një djalë trevjeçar.

Dashurinë ndaj muzikës popullore te Stefani e ndezi babai i tij Gjeorgji Stefanov, kurse nëna e tij, grekja Maria Vasilidu, gjithashtu është këngëtare dhe artiste. Stefani lindi më 1973 në qytetin Varna dhe u edukua nga dy prindërit e tij në dashuri ndaj muzikës. Qysh i vogël i bie pianos, pak më vonë babai zbulon para tij hollësitë dhe bukurinë e veglave muzikore popullore.

Fizarmonicisti Stefan Gjeorgjiev ka incizuar katër albume: “Incizimet e para i bëra në Radio Varna në vitin 1989 – tregon muzikanti. – Në vitet 1995 dhe 1996 incizova albumet “Euroromanse” dhe “Valle popullore ballkanike”. Në vitin 2002 në treg doli albumi me titull “Gërshetime folklorike” që pati një sukses të madh, kurse në vitin 2005 incizova dhe albumin “Magjia e fizarmonikës”. Me mjeshtrin e fizarmonikës Ibro Lolov nisëm të punojmë bashkë në vitin 2000 dhe kemi incizuar dy albume. Qysh si fëmijë më pëlqente shumë mjeshtërinë e Ibros dhe stili im i ekzekutimit u formua nën ndikimin e stilit të Ibros. Isha shumë i lumtur kur ai më shpalli trashëgimtar të vet, sepse fizarmonika është pasioni i jetës sime.”

Përgatiti në shqip: Gyulka Ilieva

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

Stefan Gjeorgjiev: “Fizarmonika është pasioni i jetës sime”

Më shumë nga rubrika

"Ti erdhe"

Basi i operës Sllavin Peev feston 20 vjetorin në skenë me një koncert në Sofje

Kori i Fëmijëve pranë Radios do të konkurrojë për "Trëndafilin e Argjendtë" në finalen e Konkursit Koral të EBU

Një surprizë për publikun bullgar – koncerti i parë i përbashkët i violinistit austriak Rainer Honeck dhe pianistes Pllamena Mangova