Në kuadrin e tri ditëve, prej 3 deri më 5 tetor, qyteti Plovdiv mbledh emra të njohur të xhazit nga Bullgaria dhe nga vende të tjera. Shkaku i kësaj është edicioni i IX i Festivalit “Mbrëmje të xhazit në Plovdiv”. Ndër pjesëmarrësit e sivjetshëm janë Xhef Bërlin, Randi Brekër, Zhan-Luk Ponti, Airto Morejra, Bili Kobëm etje. Drejtor artistik i Festivalit është fyelltari i njohur bullgar Theodosij Spasov. Aktiviteti është një pjesë prej “Sallonit të arteve të vjeshtës – 2013”.
“Sivjet “Mbrëmjet e xhazit në Plovdiv” i gëzojnë adhuruesit e tyre me një program shumë interesant e të larmishëm – tregon menaxheri i Festivalit Ivan Minçev. – Sipas traditës Festivali hapet gjithmonë me interpretimin e ndonjë muzikanti nga Plovdivi. Edhe sivjet festivali do të hapet nga grupi D-TAILZ– një projekt i pianistit tonë Milen Kukosharov. Pjesat që do të interpretojnë muzikantët janë kompozuar nga Mileni dhe interpretohen për herë të parë. Mbrëmja do të vazhdojë me interpretimet e Trios kubane “Ramon Vale Trio”, në të cilën janë përfshirë Ramon Vale – piano, Ernesto Simpsën – bateri dhe Omar Kalvo – kontrabas. Muzikantët e kësaj trioje prej kohe jetojnë në Evropë dhe kanë dhënë koncerte në të gjitha festivalet ndërkombëtare të xhazit.”
Më 4 tetor Festivali “Mbrëmje të xhazit në Plovdiv” vazhdon me koncert të saksofonistit Petër Momçev dhe formacionit të tij “OPUS-4”. Në të cilin hyjnë edhe Dimitër Karamfilov – piano dhe Borisllav Petrov –bateri. “Kryesor në këtë mbrëmje është projekti ndërkombëtar “Free Flamenko Trio” krijuar nga David Pena Dorantes nga Andaluzia, që është një pianist i mrekullueshëm – shpjegon Ivan Minçev. – Në Trion është përfshirë dhe fenomeni i xhazit kontrabasisti Reno Garsia Fons. Interpretuesi i tretë është fyelltari bullgar Theodosij Spasov. Në disa prej interpretimeve përfshihet dhe Havier Benitez Rubio – perkusione.”
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..
I preferuari i disa gjeneratave, magjepsësi i përjetshëm me zë prej kadifeje, Orlin Goranov, shënon 50 vjetorin në skenë me një turne. I pari nga koncertet është në Plovdiv më 26 qershor, pasuar nga pesë të tjera në qytetet më të mëdha të vendit...
Stefan Vëlldobrev dhe "Të dyshuarit e zakonshëm" i pret një verë e nxehtë - më 27 qershor, ata do të fillojnë një turne në mbarë vendin, duke filluar nga qyteti Ruse, në të cilin do të prezantojnë albumin e ri "Pikëpyetjetë mahnitshme". Ai..
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë..
Më shumë se 40 vjet më parë, një këngë u bë simbol i miqësisë. Por edhe sot ajo na sjell ngrohtësinë e emocioneve pozitive - të qeshurat, gëzimi,..