Integrimi social i fëmijëve dhe të rinjve që jetojnë në institucionet për fëmijë

botuar më 13-10-18 11.55.PD

Foto: starofhopebg.com

Një prej problemeve më serioze për të rinjtë që ikin nga institucionet për fëmijë të privuar nga kujdes prindëror është integrimi social. Prandaj përfaqësuesit e Fondacionit “Ylli i shpresës” i ka vënë vetes qëllimin t’i ndihmojnë, se të gjejnë ata vendin e tyre në jetë. Fondacioni ka një përvojë tashmë 14 vjeçare në këtë veprimtari. Përfaqësuesit e Fondacionit dhe vullnetarët e tij nisin punën me fëmijët qysh kur ata janë vendosur në institucionet, dhe pas si këta të rinj dalin nga këto institucione u sigurojnë atyre të ashtuquajturat “banesa të mbrojtura”, ku vajzat dhe djemtë, tashmë në moshë madhore mësohen të jetojnë me vete.

“Kur në vitin 1999 Fondacioni ynë filloi veprimtarinë e tij ishte rreth Festës së Krishtlindjeve – tregon Emilia Manolova, themeluese dhe drejtore e Fondacionit. – Dhe mbasi e dimë se kur Krishti ka lindur mbi qiellin ka dalë një yll, vendosa ta quaj këtë fondacion “Ylli i shpresës”. Të rinjtë që i ndihmojmë janë fatzi. Ata kanë nevojë për vëmendje, dashuri dhe kujdes, sepse të afërmit e tyre i kanë braktisur. Mirë, se ka edhe njerëz të tjerë në shoqërinë tonë që dëshirojnë t’i ndihmojnë.”
Fondacioni “Ylli i shpresës” u ofron vajzave dhe djemve që dalin nga jetimoret dy banesa të mbrojtura, ku ata mund të mbeten në vazhdim të dy vjetëve, deri sa të mësohen të jetojnë me vete.

“Punën me ta e fillojmë me një ekip – një punonjës social, një pedagog, dhe kur ka nevojë dhe me logoped – nënvizon Emilia Manolova. – Kemi mësime për formimin e aftësive socialo-jetike, për disiplinë në punë dhe për punësim. Sepse po ti mbulojmë të gjitha shpenzimet e tyre, kur janë në banesat e mbrojtura, ne nuk mund ti mësojmë si të jetojnë në mënyrë të pavarur. Prandaj punonjësi social i ndihmon aktivisht në kërkimin dhe gjetjen e punës, gjithashtu dhe për disiplinë në punë, sepse disa prej tyre kanë përfytyrime jo reale për jetën dhe mendojnë, se që nga dita e parë do të marrin rroga të larta, se mund të mos shkojnë çdo ditë në punë. Prandaj, një prej funksioneve të shumta të punonjësit social është ti konsultojnë të rinjtë tanë për formimin e disiplinës në punë. Një problem tjetër është kualifikimi i ulët profesional i këtyre të rinjve. Sepse pa diplomë të arsimit të mesëm vështirë mund të gjesh punë. Nga ana tjetër kemi raste të sjelljes jo korrekte nga ana e punëdhënësit. Për shembull, kontrata e punës parashikon 8 orë punë për ditë, kurse punëdhënësi i detyron të punojnë nga 10-12 orë, pa pagim suplementar. Në raste të tilla punonjësi ynë social takohet dhe bisedon me punëdhënësin qe të mos shkelen të drejtat e këtyre të rinjve.”

Në Fondacionin “Ylli i shpresës” punojnë dhe shumë vullnetarë, si nga vendi ashtu dhe nga jashtë. Disa prej tyre dhurojnë mjete, të tjerët ndihmojnë me punë dhe ndajnë nga koha e tyre të lirë për të komunikuar me njerëzit e rinj.
“Fëmijët janë etur për sjellje të mirë, për kujdes dhe vëmendje ndaj tyre – thotë Emilia Manolova. – Kanë nevojë si për ndihmë emocionale, ashtu dhe për ndihmë mjekësore, sidomos për fëmijët me sëmundje kronike. Çdo ditë duhet të zgjidhim probleme nga më të ndryshmet. Dhe kur kthehem e lodhur në shtëpi, ndjej dhe një kënaqësi të madhe, sepse e di, se bashkë me ekipin tonë gjatë ditës i kemi ndihmuar ata njerëz të rinj, të cilët s’kanë kush tjetër ti ndihmojë. Kënaqësia më e madhe për ne është kur shohim gëzim në sytë e tyre.”

Përgatiti në shqip: Gyulka Ilieva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Integrimi social i fëmijëve dhe të rinjve që jetojnë në institucionet për fëmijë

Më shumë nga rubrika

Një ekspozitë në "Urën e të dashuruarve" në Sofje ndjek arritjet bullgare të olimpiadave shkencore

BNT feston me një program të veçantë 65 vjetorin e themelimit

Në Ditën e të Vdekurve para festës së Shën Kryeengjëllit Mihaill, përkujtojmë të ndjerët dhe japim lëmoshë

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Si do të ndikojë në BE rezultati i zgjedhjeve presidenciale në SHBA