U nda nga jeta themeluesi dhe dirigjent i Korit të Fëmijëve Hristo Nedjalkov

botuar më 13-10-30 12.08.MD

Foto: BGNES

“Ati ynë”, interpreton Kori i Fëmijëve, dirigjent Hristo Nedjalkov

Update Required To play the media you will need to either update your browser to a recent version or update your Flash plugin.

Më 29 tetor vdiq akademiku Hristo Nedjalkov, themelues dhe dirigjent i Korit të Fëmijëve pranë Radios Kombëtare Bullgare, një specialist në fushën e të kënduarit koral me famë botërore. U nda prej nesh në moshë 81 vjeç. Vetëm përpara disa ditëve maestroja dirigjoi programin solemn, me të cilin kori i tij inauguroi Ditët e Kulturës Japoneze në Bullgari.

Tërë jeta profesionale e akademik Hristo Nedjalkovit është lidhur me Radion Kombëtare Bullgare, ku punonte prej vitit 1956. Në fillim ishte redaktor muzikor në degën për fëmijë të medies dhe në të njëjtën kohë ishte dirigjent i Korit të punonjësve mjekësorë. Më 22 mars të vitit 1960 ishte prova e tij e parë me Korin e Fëmijëve pranë Radios Kombëtare Bullgare – kori, me të cilin ai punoi deri në ditët e tij të fundit. Nën drejtimin e tij “bilbilat” e Radios Kombëtare Bullgare, siç i quajnë mediat e huaja kanë dhënë mbi 2 mijë koncerte në mbi 30 vende të katër kontinenteve. Më shumë janë turnet në Japoni – 18 gjithsej. Akademik Nedjalkov është bullgari i parë, mbajtës i urdhrit më të lartë japonez që u jepet shtetasve të huaj – “Rrëzat e arta”. Në vitin 1996 u bë Doktor honoris kauza i Universitetit të Tokios. Në vitin 2002 Federata e Koreve Evropiane dekoroi akademik Ndejalkovin dhe korin e tij me titullin “Ambasador Kulturor i Evropës”. Maestroja ka kompozuar mbi 400 vepra për kore të fëmijëve dhe kore të femrave. Disa prej veprave të tij janë përfshirë në librat shkollore të muzikës në shtete të ndryshme të botës.

Në Korin e Fëmijëve pranë Radios Kombëtare Bullgare deri tani kanë kënduar mijëra fëmijë të talentuar. Disa prej tyre sot janë muzikantë në zë, të njohur botërisht. “Çastet më të lumtura, natyrisht janë kur koncerti është i mirë, kur fëmijët janë të kujdesshëm dhe këndojnë siç e dua unë. Ndoshta kam kërkesa shumë të larta, ndoshta ky është një synim për përsosje. Por jam mësuar me recensionet e shkëlqyera për punën tonë. Kënaqësinë më të madhe e ndjej kur në kohën e turneve, në ndonjë hotel ose në sallë të koncerteve dikush më thotë: Fëmijët juaj janë të edukuar shumë mirë! Kjo më gëzon pa masë” – tha në një intervistë për Radio Bullgarinë maestro Hristo Ndejalkov.

Gjatë viteve të fundit ai rrëfente se ka disa ëndrra të mëdha. Disa prej tyre arriti t’i realizojë. Në vitin 2010 Kori i Fëmijëve pranë Radios Kombëtare Bullgare kremtoi jubileun e tij 50 vjeçar me një koncert të madh nën drejtimin e udhëheqësit të tij artistik. “Australia është i vetmi kontinent, në të cilin nuk kemi qenë me fëmijët. Kam dëshirë edhe atje të tingëllojnë këngët tona të bukura” – thoshte ai. Kishte dhe ëndrra të tjera. I la trashëgimtarëve të tij – njerëzve, me të cilët punoni dekada me radhë dhe fëmijëve nga kori, të cilin gjithmonë e kemi quajtur “Kori i Hristo Nedjalkovit.”

Përgatiti në shqip. Gyulka Ilieva

По публикацията работи: Allbena Bezovska

Последвайте ни и в Google News Showcase, за да научите най-важното от деня!

Ndaje

U nda nga jeta themeluesi dhe dirigjent i Korit të Fëmijëve Hristo Nedjalkov

Më shumë nga rubrika

Prof. Hristo Jocov – mes klasikës dhe xhazit, ku historitë përjetohen

"Diku atje"... dashuria ekziston

"Është vonë" – një këngë e frymëzuar nga forca e gruas bullgare për ta mbrojtur dashurinë

Kompozitori i dashur Stefan Diomov feston jubileun e tij të 80-të

"Fajtori"