Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

“Koncerte për foshnja” në Operën e Sofjes – një dhuratë muzikore për fëmijët dhe prindërit

Foto: operasofia.bg/

Kurrë deri tani nuk ka pasur koncerte për foshnja. Mirëpo interes për këtë ka. Para se të shpallen zyrtarisht hollësitë rreth kësaj iniciative, biletat për shfaqjet e para tashmë janë shitur. Këtë e shpallën nga Opera e Sofjes. Atje çdo të shtunën dhe të dielën në orën 11 do të ketë koncerte për fëmijë të moshës deri më 3 vjeç. I pari është më 18 janar. Ideja është e drejtorit të operës Pllamen Kartallov. Vendi, ku do të zhvillohen koncertet është ish salla VIP, e cila është meremetuar dhe e ndryshuar për nevojat e shikuesve të vegjël.

“Të pranishmit nuk do të jenë shumë, sepse duhet t’u sigurojmë shikuesve një komfort sa më të madh – shpjegon Pllamen Kartallov. – Nëna është ndërmjetësja midis nesh dhe fëmijës, shpresojmë shumë tek ajo. Përveç kësaj do të regjistrojmë emrin dhe adresën e vogëlushit, që të mund të marrë ftesa për koncertet tona të ardhshme. Kështu pas disa viteve ai do të ketë dosje të vet kulturore dhe do të ndihet anëtar i këtij teatri.”

Që të realizohet një ide e tillë, ka nevojë për bashkëmendimtarë. Opera e Sofjes bashkëpunon me fondacionin “Dua foshnjë”. Kryetarja Radina Vellçeva tregon: “Vendosëm kontakt me pedagogen muzikore Maria Momirova, e cila u bë këshilltarja jonë për këto koncerte. Fëmijët e fondacionit tashmë kanë një pasaportë muzikore, duke marrë pjesë që në moshën 6 mujore në mësimet e zonjës Momirova. Idetë tona ngjajnë jashtëzakonisht shumë me ato të zotit Kartallov. Kremena Milenkova, violiniste në Operën e Sofjes, është ndërmjetësja midis nesh. Ajo është vullnetarja e fondacionit tonë “Dua foshnjë”, kurse biri i saj Joan u bë fytyra e ekspozitës sonë të parë “Engjëj me mision”.

Tashmë shtatë sezone me radhë Opera e Sofjes është duke përgatitur një program të posaçëm për fëmijët, në të cilin janë përfshirë mjuzikëlle të ndryshme për fëmijë. Regjisorja e spektakleve është Julia Krësteva. Ajo është angazhuar edhe me “Koncertet për foshnjat”. “Bashkë me pedagogen muzikore po e përgatitim programin – thotë regjisorja. – Në të marrin pjesë muzikantë nga orkestra, të cilët i bien violinës, pianos, violonçelit, trumpetit, baterive, si dhe artistë nga teatri. Bashkë me piktoren Pavlina Koceva punojmë me vëmendje të madhe mbi përgatitjen e interiorit.”

“Bashkë me Maria Momirovën jemi duke punuar mbi program tashmë një muaj – vazhdon Julia Krësteva. – Ajo ka përvojë, sepse në punishten e saj muzikore u jep mësime fëmijëve të moshës deri më 3 vjeç. Në pjesën e parë të koncertit zonja Momirova është drejtuese, luan në piano, kontakton me fëmijët dhe me solistët. Në të janë përfshirë këngë për më të vegjlit. Meqenëse është dimër, këngët i janë kushtuar stinës dimërore. Pas kësaj do të ketë një pushim të shkurtër. Edhe pjesëmarrësit, edhe publiku do të shtrihen në dysheme, gjersa muzikantët interpretojnë melodi të ndryshme. Në pjesën e dytë kemi përfshirë pjesa klasike dhe operistike. Në një prej pjesëve do të luhet në vegla të ndryshme muzikore. Ajo titullohet “Unë jam muzikant”. Nëpërmjet kësaj pjese fëmija do të mësojë se si luhet në instrumentin përkatës. Në qoftë se kjo pëlqehet nga auditori i fëmijëve, do të pasurojmë repertorin tonë me më shumë lojëra.”

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

"Mbetu"– një këngë me një video shumëngjyrëshe

Atazar (shqiptohet АтазАр), Kris V (shqiptohet Kris Vi) dhe këngëtarja Aleksandra Ivanova prezantuan këngën e tyre të përbashkët "Mbetu" me një video shumëngjyrëshe që na transferon në bregdet. Aleksandra i bashkohet për herë të parë ekipit të Atanas..

botuar më 24-07-22 8.10.PD

"Xhaz nën yje" në Kamen Brjag

Shkëmbinjtë mbi fshatin Kamen Brjag, jo shumë larg qytetit tonë bregdetar të Kavarnës, për të dhjetën herë bëhen skena e Festivalit "Xhaz nën Yje". Këtë vit eventi zhvillohet më 19 dhe 20 korrik. Natën e parë adhuruesit e xhazit shijuan..

botuar më 24-07-20 7.15.PD
Керана и космонавтите

"Kaq mundem"

Për të pestin vit radhazi, Sofia Summer Fest - festivali veror i Sofjes - do të ofrojë përjetime të paharrueshme në kulmin e verës. Në Parkun e Jugut, në 30 ditët më të nxehta të sezonit, banorët dhe mysafirët e kryeqytetit do të kenë mundësinë të..

botuar më 24-07-17 1.25.MD