Gjatë disa ditëve të fundit firmat transportuese bullgarë, të pakënaqura nga regjimet e licencës për vitin 2014, bllokuan pikëkalimet në kufirin tonë me Turqinë “Kapitan Andreevo” dhe “Lesovo”. Problemi u krijua pasi Turqia dhe Bullgaria shpallën se lejet përkatësisht për transportuesit bullgarë dhe për ata turq janë të paligjshme. Radha të gjitha disa kilometra me mauna në kufi shkaktuan një tension të madh dhe shumë humbje edhe për të dyja vendet. Bllokada u hoq, por përkohësisht, në pritje të zgjidhjes së çështjes në nivelin e ministrave të transportit më 17 shkurt. Ky është një problem ekonomik, sepse bëhet fjalë për një bilanc të ndërlikuar prej interesash në këtë degë, megjithëse kohët e fundit ai mori përmasa politike. Si do të zgjidhet kjo çështje – është vështirë të thuhet, por disa ditë para bisedimeve u panë shenja për një zgjidhje pozitive. Ministria Bullgare e Transportit i bëri një ofertë Turqisë për përballimin e problemeve të transportuesve bullgarë. Ministria turke nga ana e vet vuri në dukje se problemet duhet zgjidhur në rrugën e bisedimeve, duke u aplikuar një metodë e re. Deri përpara pak kohe pala turke ngulte këmbë për t’u zhvilluar bisedime pasi kënaqen pretendimet e saj për lejet e transportit. Lajme inkurajuese erdhën edhe nga vetë dega e transportuesve. Asociacioni i Transportuesve Turq (UND) dhe Asociacioni i Ndërmarrjeve Bullgare për Transportimet dhe Rrugët Ndërkombëtare u morën vesh për forcimin e bashkëpunimit të tyre pas bisedimeve qeveritare dhe për mbledhje dy herë në vit mbi çështje të interesit reciprok. U pash se ka vullnet për përballimin e problemit edhe nga ana e dy vendeve. Nëse do të arrihet në një liberalizim të plotë të transportimit ndërkombëtar, siç pret pala bullgare, kjo do të bëhet e qartë pas bisedimeve. Si anëtare e BE-së Bullgaria mund të kërkojë bashkëpunim nga ai, por është më mirë që të arrihet marrëveshje mes dy vendeve. Kjo marrëveshje duhet të ketë një afat të gjatë, që të mos ndeshemi përsëri me këto probleme vitin tjetër.
Përgatiti në shqip: Vesella Mançeva
Në rezidencën "Bojana", ushtruesi i detyrës së kryeministrit dhe të ministrit të jashtëm, Dimitër Gllavçev i mirëpriti stafit diplomatik në pritje për Ditën e Dikaterit Diplomatik Bullgar - 19 korrik dhe 145 vjetorin e themelimit të shërbimit...
Importet e litiumit nga Serbia do të ndihmojnë BE-në të zvogëlojë varësinë e saj nga Kina Kancelari gjerman Olaf Scholz dhe nënkryetari i Komisionit Evropian i ngarkuar për energjinë Maros Ševçović do të vizitojnë..
Në Sozopoll, ku sot mori pjesë në ceremoninë solemne para Monumentit të Apostullit të Lirisë Vasill Levski, me rastin e 187-vjetorit të lindjes së tij , nënpresidentja Ilijana Jotova shprehu shpresën për formimin e një qeverie me të tretin..