Mbi 700 përfaqësues të rretheve akademike dhe ekonomike në Bullgari marrin pjesë në forumin dyditor në Sofje sipas programit të ri të BE-së për studime shkencore dhe inovacione “Horizont 2020”. Programi është vazhdim i programit të shtatë kornizë 2007-2013 dhe kërkon lidhje midis shkencës dhe biznesit. Në kuadrin e saj janë parashikuar 80 miliardë euro për periudhën 2014-2020 për BE.
“Programi përfshin ciklin e plotë nga krijimi produkteve të reja dhe inovacioneve në fushën e studimeve shkencore”, këtë e deklaroi zëvendësdrejtori i përgjithshëm i drejtorisë “Studime shkencore dhe inovacione” të Komisionit Evropian Volfganf Burçer. Qëllimi është që të stimulohet zhvillimi i produkteve dhe shërbimeve në këtë fushë për rritjen e kapacitetit të shkollave të larta dhe për aftësi më të madhe për konkurrencë në BE. Sipas tij ky program i jep konkretisht Bullgarisë mundësi të mëdha për zhvillim sepse: “Bullgaria ka fusha me të cilat mund të krenohet. Këto janë teknologjia e informacionit dhe i komunikimit, arritjet në mjekësi, hulumtimet kozmike. Bullgaria e ka mbrojtur pozitën e vetë, duke marrë pjesë në Programin, i cili ishte një pikënisje shumë e mirë për Bullgarinë në hulumtimet shkencore. Aktualisht 600 shkencëtarë bullgarë punojnë sipas këtij programi. Programi i ri “Horizont 2020” jep mundësi akoma më të favorshme për njerëzit të cilët punojnë në këtë fushë. Do të formohen skuadra të përbashkëta ndërkombëtare dhe do të shkëmbehen shkencëtarë nga një vend në vend tjetër.”
Kandidimi do të jetë vetëm online, sqaroi ministrja e arsimit prof. Anelia Klisarova. Përveç kësaj Komisioni Evropian do të mundësojë shkencëtarët dhe biznesmenët bullgarë të lidhen me kolegët e tyre nga BE-ja. Pra, do të ketë treg të lirë të shkencëtarëve. Sipas fjalëve të ministres sa më shumë janë kandidatët për një projekt, aq më shumë mundësi ka që ky projekt të fitojë financim evropian.
Çfarë do të jetë pjesëmarrja e Bullgarisë në programin “Horizont 2020”?
“Do të modernizohet sistemi arsimor dhe i hulumtimeve shkencore – thotë ministrja Klisarova. – Do të hapen laboratorë të rinj, qendra dhe struktura të reja ku do të hulumtohet. Qeveria parashikon zhvillimin e tre drejtimeve. Së pari, kjo është strategjia e zhvillimit të hulumtimeve shkencore, së dyti, ndryshimi i Ligjit të zhvillimit të stafit akademik dhe së treti, strategjia e arsimit të lartë. Do të përqendrohet mbi modelin e lidhjes shkencë-universitet-biznes. Gjithsesi do të ndajmë mjete për shkencën.”
Përgatiti në shqip: Anna Kapitanova
Një shumicë e konsiderueshme e të rinjve në vendin tonë - 89%, e shohin zhvillimin e tyre në pesë vitet e ardhshme jo jashtë vendit, por në Bullgari, sipas një studimi të ri nga Agjencia e Analizës së Opinionit të Konsumatorëve JTN dhe Platforma..
Bullgaria u bë e dyta në debatet shkollore në Kampionatin Botëror në fund të korrikut në Beograd, Serbi. Në turne morën pjesë 68 shtete, përfshirë SHBA-në, Katarin, Kinën. Nxënësit bullgarë tanë mposhtën në debate shtete tradicionalisht të forta,..
Ekspozita "Mrekullitë e natyrës: nga fara deri në pyll" do të mund të shihet deri në fund të gushtit në Muzeun Historik Natyror të fshatit të Trojanit Çerni Osëm. Ekspozita paraqet procesin e lindjes së një pylli, bukurinë e pyjeve bullgare dhe..
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të..
Pas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia u bë strukturë e Universitetit..