Javën që shkoi disa përfaqësues të lartë të Bullgarisë morën pjesë në formimin e qëndrimeve ndërkombëtare rreth çështjes së Ukrainës. Në mbledhjen e dytë të jashtëzakonshme të ministrave të punëve të jashtme të BE-së, ministri Kristian Vigenin rikonfirmoi qëndrimin e Sofjes se BE-ja duhet të mbështesë sovranitetin dhe integritetin territorial të Ukrainës. Në Këshillin Evropian kryeministri bullgar Pllamen Oresharski u shpreh rreth të njëjtit qëndrim. Sofja u tregua kategorikisht pro palës ukrainase në diskutimet a Rusia të ndërmarrë procedurat e anëtarësimit të Krimesë. Ndërkohë, Sofja u pajtua me opinionin se sanksionet kundër Rusisë nuk do të ishin mirë për askënd në BE.
Pala bullgare është e mendimit se tani më e rëndësishmja është që të normalizohet situata në Ukrainë, ndryshe do të kërcënohet siguria e të gjithë regjionit. Qëndrimet e qeverisë bullgare lanë mbresa për përmbajtje, ndërsa mënyra se si kryeministri Oresharski i komentoi gjërat – mbresa për optimizëm. Sipas kryeministrit bullgar çështje të pazgjidhura rreth kufijve të ish-Bashkimit Sovjetik ka edhe në vende të tjera, përveç në Ukrainë, por ato nuk e pengojnë zhvillimin normal shtetëror. Sofja është e mendimit se çështja e Ukrainës duhet të zgjidhet direkt nga palët kryesore, gjersa BE-ja vetëm duhet të nxisë dialogun midis tyre pa u përzierë. Kryeministri Oreshrski mendon se të paktën për problemet kryesore mund të merren vendime relativisht të shpejta.
Në diskutimet e përgjithshme për gjendjen në Ukrainë Bullgaria synonte një qëllim të caktuar – të merren parasysh rreziqet eventuale për grupin etnik të bullgarëve, të cilët numërojnë mijëra veta dhe shumica prej tyre jeton në pikat më “të nxehta” të Ukrainës. Në këtë lidhje ministri i Punëve të Jashtme të Bullgarisë, Kristian Vigenin bëri një vizitë dyditore në Kiev dhe Odesë. Para bashkëbiseduesve të tij ministri bullgar thoshte se tërheqja e të gjitha komuniteteve ndaj ambicieve për demokraci dhe të ardhme evropiane do t’ia garantonin Ukrainës siguri, stabilitet dhe perspektivë evropiane. Pas vizitës ministri shprehu besimin se qeveria ukrainase do të mbrojë të drejtat e të gjitha minoriteteve në Ukrainë.
Përgatiti në shqip: Anna Kapitanova
Të dielën, më 9 qershor, Bullgaria zgjedh përbërjen e Asamblesë së 50-të Kombëtare. Këto janë zgjedhjet e gjashta të parakohshme parlamentare me radhë brenda dy vitesh e gjysmë , por këtë herë ato përkojnë edhe me zgjedhjen e Parlamentit të ri Evropian..
290 mijë bullgarë që duan të votojnë më 9 qershor nuk kanë vendosur ende se për kë. Ky është 10% e atyre që deklarojnë se do të shkojnë për të votuar, tha për bTV Dobromir Zhivkov nga “Market Links”. Sipas sondazhit të agjencisë, formacionet politike..
Presidenti Rumen Radev e cilësoi si "të paarsyeshme" që qeveria bullgare të tregojë hezitim sa i përket qëndrimit të vendit tonë në OKB për gjenocidin në Srebrenicë. “Qëndrimi i Bullgarisë duhet të jetë shumë i qartë, duke afirmuar vlerat dhe..