Ateshhan Juseinov është një kitarist virtuoz dhe një muzikant me ide jo të zakonshme. Aktualisht punon mbi një album të ri me elemente të muzikës etno. Të tjerët e thërrasin Atesh. Ka lindur në qytetin Lloveç. Ka mbaruar Shkollën Kombëtare të Muzikës “Panajot Pipkov” në qytetin Pleven. Fillimisht, Ateshhan Juseinov ka interpretuar në formacione të ndryshme, bile në dasma. Ai pohon se muzikanti i dasmave është një profesion i cili pasuron njohuritë në zakonet bullgare nga vende të ndryshme. Po ashtu muzikanti i dasmave ka mundësi për të improvizuar në muzikë. Prej tij kërkohet të njohë zhanret e ndryshme. Fillimisht Ateshhan Juseinov ka fituar famën e muzikantit të shquar në bashkëpunim me Teodosi Spasovin dhe me grupin e Ivo Papazov-Ibrjamës. Vitet e fundit punon së bashku me të shoqen Venera Todorova, e cila është këngëtare. Të dy japin koncerte ku marri pjesë po ashtu dhe muzikantë të ndryshëm.
“Kam kohë që eksperimentoj në muzikë – thotë kitaristi virtuoz. – Kombinoj folklor bullgar me muzikë klasike, xhaz, flamengo e motive nga muzika e romëve dhe patjetër melodi ballkanike. Fillimisht i kam bjerë pianos dhe më vonë mandolinës. Pas kësaj kam filluar të luaj në kitarë dhe në buzuki.”
Ateshhan dhe Venera do të përfaqësojnë Bullgarinë në Festivalin Folklorik të Euro-radios. Edicioni i tij i 35-të do të mbahet gjatë korrikut në Suedi. Deri atëherë çifti pret që të dalë albumi i tyre i cili bazohet në muzikën etno.
Përgatiti në shqip: Anna Kapitanova
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..