Sot, 15 vjet pasi celularët u vendosën në treg, askush prej nesh nuk mund të imagjinojë jetën e tij pa ta. Sot kemi mundësinë të zgjedhim lloj-lloj celularësh. Bile nuk njohim të gjitha funksionet që kanë. Çipat shumë të vegjël ruajnë informacione qindra GB-ësh, ndërsa lidhja pa kabllo me internetin e konsiderojmë gjë të dhënë.
Teknologjia mobile dhe e komunikimit ndryshon dukshëm botën dhe janë një nga fushat me zhvillim tepër të shpejtë. Çfarë na pret në të ardhme? Përgjigja e kësaj pyetjeje jep Konferenca “Mobcon”, e cila mbahet për herë të parë në Bullgari. Z. Nikollaj Lybçev është një nga organizatorët e aktivitetit. Ja se çfarë rrëfen ai. “Kjo është një konferencë kushtuar teknologjisë mobile dhe përdorimit të saj në programimin e pajisjeve për celularët. Aktiviteti do të mbahet më 5 prill në kryeqytetin e Sofjes. Dy edicionet e mëparshme të “Mobcon-it” ishin në Mineapolis të SHBA-së. Qëllimi është që në një vend të grumbullohen ligjëruesit nga kompanitë me famë botërore dhe liderët në këtë fushë, si Google, Soundcloud dhe Mozilla. Ligjëruesit do të takohen me specialistët bullgarë dhe të rajonit të cilët merren me teknologjinë mobile. Në konferencë do të mbahen më se 20 ligjërata në pesë nënfusha – përpunim të softuerit për celularët, zhvillim të aplikacioneve për celularët dhe dizajn të aplikacioneve nga pikëpamja e konsumatorëve etj.”
Cilat janë arritjet e fundit dhe çfarë është moda në teknologjinë mobile?
“Vitet e fundit ka bum të telefonave inteligjentë. Në botë qarkullojnë më se 1.7 mlrd telefona të këtillë dhe gjatë 2017-ës numri i tyre pritet të arrijë 2.5 mlrd. Përveç telefonave inteligjentë në qarkullim janë po ashtu dhe tableta, orë inteligjente etj. Së shpejti bile pajisjet e shtëpisë do të kenë sistem operativ. Bëhet fjalë për një treg jashtëzakonisht të madh i cili në të ardhme do të shtohet edhe më tej. Teknologji e re janë pajisjet “wearables” për matjen e ecurisë, të impulsit etj, pra sende të cilat do të përmirësojnë mënyrën e jetesës.”
Një numër i konsiderueshëm prej bullgarëve përdorin telefonat inteligjentë për qasje tek informacionet. Programet e Radios Kombëtare Bullgare gjithashtu mund të dëgjohen në tableta dhe telefona inteligjentë falë aplikacionit mobil falas në Google Play. Së shpejti Radio Bullgaria do të ketë një aplikacion të tillë.
Bullgaria është njëra nga vendet me ekspertë të mirë kompjuterikë, por për shkak të bumit të teknologjisë numri i tyre nuk mjafton. Sipas analizatorëve do të kërkohen gjithnjë e më dendur ekspertë në industrinë e teknologjisë mobile. Krahas programuesve dhe ekspertëve nga mbarë bota në konferencën “Mobcon” do të marrin pjesë dhe studentët bullgarë. Gjatë aktivitetit do të prezantohen projektet fituese në konkursin për ide inovative ose prototip të aplikacioneve për celularët. Tri projektet e para do të shpërblehen me para. Qëllimi është të stimulohet zhvillimi i ekspertëve të rinj në fushën e teknologjisë mobile.
Përgatiti në shqip: Anna Kapitanova
Hapen zyrtarisht Lojërat e Olimpiadës së 33-të Verore në Paris. Me këtë rast, kreu i shtetit Rumen Radev ndodhet në kryeqytetin francez për të marrë pjesë në hapje, me ftesë të presidentit francez Emanjuell Makron dhe presidentit të Komitetit Olimpik..
Një zonë e re që kombinon një vend modern për t'u çlodhur dhe një hapësirë të përbashkët pune është tashmë në dispozicion për udhëtarët në Terminalin 2 të Aeroportit të Sofjes, njoftoi Aeroporti i Sofjes në faqen e tij në Facebook.Në këtë zonë në..
Javën e kaluar, Ursula von der Leyen mori nga Parlamenti Evropian një mandat të dytë në krye të Komisionit Evropian me më shumë vota se mandati i saj i parë. Roberta Metsola u rizgjodh me një shumicë të madhe për 2 vjet e gjysmë në krye të..
Ekspozita "Mrekullitë e natyrës: nga fara deri në pyll" do të mund të shihet deri në fund të gushtit në Muzeun Historik Natyror të fshatit të..
Bullgaria u bë e dyta në debatet shkollore në Kampionatin Botëror në fund të korrikut në Beograd, Serbi. Në turne morën pjesë 68 shtete, përfshirë..
Një shumicë e konsiderueshme e të rinjve në vendin tonë - 89%, e shohin zhvillimin e tyre në pesë vitet e ardhshme jo jashtë vendit, por në Bullgari,..