“Të gjithë e dinë mitin e Feniksit – shpendi i zjarrtë. Kishim edhe emocione të mira, edhe të tilla të këqija – tregon basisti i grupit Aleksandër Obretenov. – E kemi zgjedhur këtë emër, sepse albumi është si njëfarë ringjalljeje për grupin “D2”. Siç thotë Mitko (Dimitër Kërnev – kitaristi dhe themeluesi i grupit): Nuk mund të them nëse ky album është vazhdim i projekteve tona të kaluara. Tani mjedisi muzikor është krejt i ndryshëm në krahasim me përpara tetë vitesh, kur nxorëm albumin “Gjashtë”. Ai ndryshon në një mënyrë dinamike. Aktualisht shijet e njerëzve, përfshi këtu dhe shijet tona, janë të ndryshme. Por shpresoj se albumi do të pëlqehet nga publiku.”
Kënga, që ia dha emrin albumit, u incizua e fundit. Ajo është njëfarë dhurate për fansat e grupit. Kënga mund të shkarkohet falas nga sajti zyrtar i grupit. Atje mund të dëgjohet gjithashtu falas tërë albumi.
Muzikantët e grupit “D2” filluan punë mbi këngët, që u përfshinë në këtë album, që gjatë pranverës së vitit 2010. Atëherë u nisën bashkë me tërë teknikën e tyre për në Kjustendill dhe më konkretisht për rajonin mbi qytet, në ish rezidencën e ish liderit komunist Todor Zhivkov në Malin e Osogovos. “Ishim si në kamp” – u kujtuan ata. Atje kaluan disa muaj dhe të frymëzuar nga natyra krijuan pjesën kryesore të rreth 12 këngëve, të cilat i përfunduan më vonë në Sofje. Për krijimin e teksteve i ndihmoi Aleksandër Petrov, i cili është i njohur në rrethet muzikore dhe është autor i shumë hiteve. Pas një selektimi përfundimtar u krijuan dhjetë kompozime, të bashkuara në albumin “Feniks”. Ky tirazh i parë është i limituar. Grupi “D2” ka ide për të bërë për Krishtlindjet një album të ri me të gjitha këngët e përfunduara.
Albumi i grupit “D2” përfshin dhe akoma katër këngë bonus me pjesëmarrjen e interpretuesve të huaj: këngëtarja bullgare e muzikës pop Maria Ilieva, legjenda amerikane e kitarës Lanny Cordola dhe ikona e muzikës rok Slash nga Guns N’Roses. “Për ne është kënaqësi për të punuar me muzikantë kaq të mirë”, thotë Aleksandër Obretenov.
Shumica e këngëve të përfshira në albumin e ri “Feniks” janë në bullgarisht. Dejan Kamenov – Dido, vokali i “D2” thotë: “U binda se është më mirë të këndosh në gjuhën amtare në Bullgari, sepse kështu njerëzit e kuptojnë më mirë muzikën. Megjithatë kemi në album dhe tri këngë në anglisht, sepse kështu na tingëllonin më mirë.” Edhe katër muzikantët thonë se albumi i tyre i ri është gjëja më e mirë, që kanë bërë deri tani. “Kënga e tyre e dashur ndryshohet çdo ditë” – thotë Aleksandër Obretenov. Aktualisht është në modë “Fundi i verës”. Kjo stinë është shumë aktive për grupin, sepse atëherë janë turnetë dhe koncertet në tërë Bullgarinë.
Përgatiti në shqip: Vesella Mançeva
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
Ndonëse prej më shumë se 20 vitesh Magdalena Todorova Karamitevajeton me familjen jashtë vendit, kënga popullore bullgare e shoqëron kudo. Ajo është autore e dhjetëra teksteve, të cilat i shndërron në këngë, së bashku me bashkëshortin e saj -..
Shtëpia e Kulturës "Sredec" në Sofje shënon 50 vjetorin e saj me një sërë ngjarjesh muzikore nën titullin "Ishulli i Muzikës". Në këtë mënyrë,..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon"...