Në një takim të ministrave të sportit të shteteve anëtare të Organizatës së Bashkëpunimit Ekonomik të Detit të Zi (OBEDZ), i cili u zhvillua në qytetin bullgar Varna pranë Detit të Zi, me iniciativë të Bullgarisë, tematika rinore dhe sporti u bënë për herë të parë politika me prioritet e organizatës.
Pjesëmarrësit diskutuan se si të inkurajohet bashkëpunimi regjional në fushën e politikave rinore dhe si sporti të kontribuojë për rritjen ekonomike dhe punësimin. U shqyrtuan gjithashtu iniciativa për një politikë të përbashkët rinore, duke e vërë theksin te vullnetarizmi, si dhe te iniciativat për ngjarje të përbashkëta sportive në rajon.
Gjatë periudhës së re programore të BE-së /2014-2020/ për programet “Rinia” dhe “Sporti” është parashikuar një rritje e konsiderueshme e buxhetit. Në këtë kontekst përhapja e bashkëpunimit ekonomik të vendeve nga rajoni i Detit të Zi drejt këtyre sektorëve mund të shqyrtohet edhe si themeli i një lidhjeje aktive midis politikës së BE-së dhe politikës regjionale, e cila zhvillohet nga vendet e OBEDZ-së. Qeveria bullgare shpalli që në vetë fillimin e mandatit të saj se është për afrimin e prioriteteve të OBEDZ-së me ato të BE-së.
Takimi i ministrave të sportit në Varna ishte pjesë e programit të kryesisë bullgare sipas parimit të rotacionit të OBEDZ-së dhe koincidoi me një moment të rritjes së tensionit politik në regjion për shkak të krizës ukrainase. Në këtë kontekst takimi është i rëndësishëm jo vetëm për sektorët “Rinia” dhe “Sporti” dhe mund të shqyrtohet edhe si një element prej përpjekjeve për përmirësimin e një situate tepër të tensionuar në regjion. Një pjesë e vendeve, që morën pjesë në takimin e Varnës, kanë pozita krejt të ndryshme sa i përket konfliktit në Ukrainë. Mirëpo kjo i pengoi që ato të hyjnë në një dialog dhe të zënë pozita të të përbashkëta sa i përket politikës për rininë dhe sportin. Pra, ka mundësi për dialog midis tyre, po të ketë vullnet politik për këtë.
Në OBEDZ marrin pjesë Shqipëria, Armenia, Azerbajxhani, Bullgaria, Gjeorgjia, Greqia, Moldavia, Rumania, Rusia, Serbia, Turqia dhe Ukraina. Takimi tjetër i ministrave, i cili parashikohet në kuadrin e kryesisë së rotacionit të Bullgarisë, do të mbahet në Bukuresht në nivelin e ministrave të punëve të brendshme.
Përgatiti në shqip: Vesella Mançeva
Komisioni Qendror i Zgjedhjeve shpërndau mandatet sipas partive për 17 vendet e eurodeputetëve nga Bullgaria. GERB-SDS merr 5 mandate, Lëvizja për të Drejta dhe Liri (DPS) - 3, "Po e vazhdojmë ndryshimin - Bullgaria Demokratike" (PP-DB) - 3,..
Kriza politike në Bullgari solli befasinë e zgjedhjeve të parakohshme parlamentare - të gjashtat në më pak se tre vjet. Nga një parlament gjashtëpartiak, parlamenti ynë u rrit me një forcë të re politike, pasi 13 deputetë do të ketë partia politike..
Fitorja në dukje vendimtare e GERB-SDS në zgjedhjet për parlamentin kombëtar nuk do të thotë se partia me çdo kusht do të arrijë të formojë një qeveri në të vetmen formë të mundshme të imponuar gjatë qeverisjes së fundit, pra të ashtuquajturin..
Nëse zgjedhjet parlamentare do të mbaheshin më 1 gusht, GERB-SDS do të ishte forca e parë politike, sipas një sondazhi të “Market LINKS”. GERB - SDS..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha..