Javën që shkoi në Selanik u mbajt konferenca e nivelit të lartë midis ministrave të jashtëm të BE-së dhe të vendeve të Ballkanit Perëndimor që konferencë u organizua nga presidenca greke e BE-së. Ministri i Punëve të Jashtme të Bullgarisë, z. Kristian Vigenin mbajti fjalim kushtuar përvjetorit të 10-të nga fillimi i procesit të integrimit evropian të Ballkanit Perëndimor. Ministri Vigenin rikujtoi se Bullgaria duke qenë fqinje e vendeve të Ballkanit Perëndimor, gjithmonë ka përkrahur integrimin e tyre në BE. Mirëpo, z. Vigenin vuri në dukje se parimet dhe kriteret e anëtarësimit duhet të jenë të njëjta për të gjitha vendet kandidate dhe një nga këto kritere është fqinjësia e mirë. Në fakt, ministri i jashtëm donte të thoshte se përkrahja e Bullgarisë nuk është me çdo kusht. Ky qëndrim i Bullgarisë nuk vlen vetëm për qeverinë aktuale, por edhe për të paktën dy qeveritë më parë. Ja pse prej vitesh Bullgaria ngul këmbë për lidhjen e marrëveshjeve të fqinjësisë.
Përkrahja e Bullgarisë në anëtarësimin e vendeve të Ballkanit Perëndimor nuk është vetëm politike. Bullgaria ndan përvojën e fituar në rrugëtimin drejt BE-së. Sofja është e mendimit se rolin kryesor gjatë reformave në procesin e integrimit evropian duhet ta kenë faktorët e brendshëm të vendeve kandidate. Ndryshe, pra nëse ka shtypje nga jashtë, qëndrueshmëria e reformave nuk mund të garantohet. Ministri Vigenin theksoi projektet e përbashkëta si kusht për të ardhmen ekonomikisht dhe politikisht stabile të rajonit. Sidomos duhet të bashkëpunohet në mënjanimin e disa pengesave infrastrukturore në rajon. Në këtë kontekst ministri bullgar nënvizoi se instrumenti i ndihmës para-anëtarësimit vijon të përdoret pikërisht për mungesat në infrastrukturë. Në konferencën në Selanik u bë e qartë se për këtë qëllim nevojitet resursi financiar shumë serioz. Nëpërmjet fondeve të para-anëtarësimit BE-ja parashikon t’ia jap Ballkanit Perëndimor 1 mlrd euro deri në vitin 2020. Ndaras nga këto para, në projektet rajonale do të derdhen edhe 10 mlrd euro të tjera.
Përgatiti në shqip: Anna Kapitanova
Zgjedhjet për Parlamentin Evropian më 9 qershor 2024 kaluan pa lëkundje të veçanta për formacionet drejtuese politike. Partia Popullore Evropiane dhe socialistët mbeten në krye dhe ndoshta do të vazhdojnë të ndjekin politikat e tyre të përshkruara...
Parlamenti Evropian është organi i vetëm në BE i zgjedhur drejtpërdrejt nga qytetarët. 6 138 050 votues bullgarë kanë të drejtë të emërojnë 17 përfaqësues politikë për ta përfaqësuar Bullgarinë në Parlamentin e ri Evropian për pesë vitet e..
Mickovski ka marrë mandatin për formimin e qeverisë në Maqedoninë e Veriut Lideri i VMRO-DPMNE-së, Hristijan Mickovski ka marrë mandatin deri më 24 qershor për të paraqitur në Kuvend përbërjen dhe programin e qeverisë së re të Maqedonisë së..
Nëse zgjedhjet parlamentare do të mbaheshin më 1 gusht, GERB-SDS do të ishte forca e parë politike, sipas një sondazhi të “Market LINKS”. GERB - SDS..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha..