Boris Hristov është një prej artistëve më të mëdhenj operistikë bullgarë. Ka lindur më 18 maj 1914. Le të rikujtojmë se ai është ndër personalitetet në kalendarin e UNESKO-s të vitit 2014, kurse ngjarjet, me të cilat e respektojmë basin e madh në mbarë botën, janë vërtetë shumë. Sidomos rreth ditëlindjes së tij.
Për shumicën e bashkatdhetarëve tanë Boris Hristov është zëri, i cili e uron Bullgarinë në minutat e para të çdo një viti të ri, zëri, i cili na uron mirëqenie dhe shumë vite shëndet nga eteri kombëtar..., ose “Zëri, i cili i drejton lutje Zotit për mirëqenien e Bullgarisë”, siç e kanë quajtur më parë. I tillë është edhe titulli i filmit, i transmetuar nga Televizioni Kombëtar Bullgar më 18 maj – “Zëri, i cili i drejton lutje Zotit për mirëqenien e Bullgarisë”. Në film është përfshirë intervista e panjohur deri tani e Nevena Korallovës, e incizuar gjatë vizitës së fundit të maestros në Sofje. Ky është një tregim i sinqertë për kthesat dramatike në jetën e tij pas marrjes së pushtetit nga socialistët, kur afro një çerek shekulli ai nuk mund të kthehej në atdhe. Ky është një tregim për rikthimin e tij dhe për incizimet e njohura të Boris Hristovit në tempullin “Shën Aleksandër Nevski”, bashkë me korin kishtar dhe me Kapelën Korale Bullgare.
Sot monumenti i Boris Hristovit simbolikisht e “vëzhgon” tempullin patriarkal. Gjatë ditës së ditëlindjes së tij atje u vendosën lule dhe kurora dhe u shërbye një meshë në prani të Patrikut bullgar Neofit, të figurave shoqërore dhe politikanëve. Kori “Guslla”, në të cilin këngëtari ka qenë korist, interpretoi këngën e tij të dashur.
Në të njëjtën datë në Plovdiv, qyteti i lindjes i Boris Hristovit, u mbajt një koncert unikal koral – “100 zëra bullgarë këndojnë për Boris Hristovin”. Një ditë para kësaj Opera e Stara Zagorës ia kushtoi atij spektaklin e vet “Don Karlos” në Pallatin Kombëtar të Kulturës.
Korin “Guslla”, me dirigjent Valentin Bobevski, e dëgjuam edhe nga skena e Operës së Sofjes. Në shfaqjen atje morën pjesë solistët Martin Conev, Dimitër Stançev, Svetozar Rangellov, Biser Georgiev, Petër Najdenov, Ivajllo Xhurov, Pllamen Bejkov, Aleksandër Marulev, si dhe Kori i Orkestrës së Operës dhe Baletit të Sofjes, me dirigjent Grigor Palikarov.
Ditëlindja e Boris Hristovit u shënua solemnisht edhe në shtëpinë e tij në Sofje, e cila sot është shndërruar në muze. Kjo ishte një prej ngjarjeve më emocionuese nga festimet me rastin e jubileut. Koncerti me titull “Boris Hristov – ambasadori i këngës bullgare” tërhoqi shumë adhurues të këngëtarit.
Në Fondin e Artë të Radios Kombëtare Bullgare ruhet një intervistë me Boris Hristovin, në të cilën ai tregon për dallimet midis interpretimeve live dhe incizimeve, si dhe për fillimin e karrierës së tij muzikore: “Pa dyshim ka dallim midis asaj, që na ofron pllaka e gramafonit nga njëra anë dhe salla e koncertit – nga ana tjetër. Nga mjeshtëria e interpretuesit varret me sa incizimi mekanik mund të afrohet me interpretimin live. Unë e fillova rrugën time profesionale në Bullgari si një solist modest i një kori. Por fati im i lumtur më dha shansin për të hipur në skenat botërore. Desha të them se me kalimin e viteve përgjegjësia bëhet gjithnjë e më e madhe.”
Përgatiti në shqip: Vesella Mançeva
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon". Aranzhimin e bënë Robi dhe Martin Nikollov. Robi tregon për krijimin e këngës: "Një mbrëmje i..
Shtëpia e Kulturës "Sredec" në Sofje shënon 50 vjetorin e saj me një sërë ngjarjesh muzikore nën titullin "Ishulli i Muzikës". Në këtë mënyrë, Shtëpia e Kulturës "Sredec" u jep një skenë profesionistëve të dëshmuar dhe të rinj - këngëtarë dhe..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë..