Muzikantët e rinj nga grupi rok “PSS” punojnë me dëshirë, stil dhe imagjinatë. Ata posedojnë një mjeshtri artistike dhe muzikalitet. Që nga viti 2006 prezantojnë kompozimet e veta. E caktojnë muzikën e tyre si rok alternativ, me blusë dhe motive progresive. Më shumë hollësi mësojmë nga Vasilen Vëllçanovi-Leni – kitarist dhe Sandra Petrova – soliste vokale e grupit.
“PSS është abreviatura e fjalës angleze Pimp Switch Sequence. Si fjalë të renditura pas njëra tjetrës nuk kanë kuptim real. Mirëpo, emri vjen të shprehë synimin tonë të kthejmë muzikën mejnstrijm, e cila aktualisht gërsheton pop, r&b, rap, elektronike, në rokun më me popullaritet. Me rëndësi, sipas nesh, është që incizimi të jetë analog, pa përpunim të kompjuterit.”
Muzika e grupit “PSS” mund të dëgjohet jo vetëm në klubet e ndryshme, por edhe në koncertin e parë onlajn në Bullgari, i cili u transmetua në kohë reale nga sajti YouTube gjatë prillit të këtij viti. Për këtë Sandra kujton: “Bëmë një transmetim në kohë reale të një koncerti në studion Pasifik. Ishte shumë interesante. Doli, që është shumë e vështirë të merret me qira ndonjë studio e madhe, në të cilën të punojnë bashkë grupi dhe ekipi i xhirimit. Deshëm gjithashtu, që tabloja dhe tingulli të transmetohen paralelisht. Prandaj zgjodhëm YouTube.”
Leni shton kujtimet: “Problemi i një koncerti të tillë është, se nuk ka publikë reale përpara. Ka dritë dhe kamera, por është pak e çuditshme. Ideja lindi nga prezantimi i një albumi të grupit amerikan “Foo Fighters”. Muzikantët ekzekutuan të gjitha kompozimet pas njëra tjetrës pa u ndërprerë para kamerës në studio. E pëlqyem këtë koncert. Komentet e publikut ishin pozitive si gjatë koncertit, ashtu edhe pas kësaj. Një meritë për këtë sukses pa diskutim ka cilësia e tingëllimit, gjë për të cilën i falënderojmë regjisorit të zërit.”
Muzikën e vet grupi “PSS” e incizoi në një studio në Athinë të Greqisë. Dy kompozimet e fundit e formacionit janë në gjuhën bullgare. Ata mund të dëgjohen në sajtin e grupit. Muzikantët janë me shpresë, se gjatë shtatorit do të prezantojnë këngën më të re, e cila prapë do të jetë në stilin e rokut karakteristik të grupit “PSS”.
Përgatiti në shqip: Svetllana Dimitrova
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë profesionalisht. Ka marrë pjesë në disa programe televizive dhe në vitin 2020 në “Zëri i Bullgarisë”..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është autor i tekstit dhe recitativit, bazuar në atmosferën gjatë muajve të verës në bregdetin bullgar të..
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti është i Rushi..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..