Mes pasioneve sportive rreth Kampionatit Botëror të Futbollit në Brazil, opinioni bullgar shënoi një përvjetor të lavdishëm. U mbushën 90 vjet nga krijimi i skuadrës së parë kombëtare të Bullgarisë, të formuar për të marrë pjesë në Lojërat Olimpike në Paris gjatë vitit 1924. Atëherë në kualifikimet olimpike, Bullgaria humbi nga Australia me 0:6 në Vjenë. Gjatë viteve 50 dhe 60 të shekullit të kaluar skuadra bullgare e futbollit arriti sukseset e veta më të mëdha në Lojërat Olimpike, duke përfunduar e treta në lojërat e verës në Mellbërn gjatë vitit 1956 dhe të dyta në ato verore gjatë vitit 1968 në Meksiko Siti.

Hristo Stoiçkov duke shënuar golin e parë të Bullgarisë kundër skuadrës gjermane në Botërorin 1994 në ShBA. Foto: arkiv

Që atëherë e këtej Bullgaria nuk mund të klasifikohet për Botërorin. Kjo në sfondin e sukseseve historike është një realitet i mjerë. Një realitet i mjerë është dhe vendi, të cilin e zë Bullgaria në klasifikimin e fundit të FIFA-s. Gjatë qershorit skuadra kombëtare ra me 5 vende në ranglistën mujore të federatës dhe aktualisht zë pozitën e 78 me 425 pikë. Fill përpara Bullgarisë është skuadra e Marokut, kurse pas saj ajo e Omanit. Spanja e kryeson klasifikimin me 1485 pikë – tre herë e gjysmë më shumë, sesa këto të Bullgarisë. Kështu festimi i përvjetorëve historike të skuadrës kombëtare dha shkak dhe për një mendim serioz.

Përgatiti në shqip: Nataniela Vasileva