Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mali i Trojanit ofron surprizë pas surprize

БНР Новини

Në fillim të stinës së verës mali i Trojanit, Bullgari Veriore surprizon me gjelbëri të paparë. Hotelet dhe shtëpitë për strehim mbushen me turistë kureshtarë. Çiflik, Shipkovo, Beklemeto, Beli Osum, Oreshka – këto janë vetëm disa nga vendbanimet të cilat ia vlen të vizitohen.

СнимкаReshjet e dendura të shiut këtë muaj nuk e penguan startin e sezonit turistik. Shumë njerëz preferojnë t’i kalojnë pushimet pikërisht këtu dhe të çlodhen në gjirin e natyrës. Vendbanimi Azareja ofron pushime kështu të thuhet ekzotike – gjashtë shtëpi me formë të rrumbullakët, të ndërtuara sipas stilit kinez feng shui dhe njëkohësisht të ngjashme me banesat e protobullgarëve (jurtë). Në këto shtëpi do të mësoni se si të liroheni nga stresi dhe të ushqeheni në mënyrë të shëndoshë. Po ashtu do të mësoni se si të komunikoni me malin e Trojanit i cili mal është një burim i energjisë pozitive.

Снимка20 kilometra larg qytetit Trojan gjendet fshati Gumoshtnik ku kalon lumi Vidima. Ky vendbanim është i njohur me 8 pasagjerët e tij të cilët kanë humbur jetën gjatë fundosjes së Titanikut. Një monument në përkujtim të tyre është vendosur në oborrin e kishës vendase. Kjo e fundit është ndërtuar para 175 vjetëve dhe dallohet për nga madhësia e saj dhe ikonostasi i bukur i cili në të vërtetë është punë mjeshtri. Interesante po ashtu është shkolla e rivendosur kishtare. Në të kaluarën popullsia e vendbanimit Gumoshtnik ka numëruar 1500 veta dhe fëmijët nga rrethi janë edukuar sipas metodologjisë më avangarde të asaj kohe. Të gjitha pajisjet e mësimdhënies nga e kaluara mund të shihen aty.

СнимкаNë malin e Trojanit ka shumë mundësi për turizëm alternativ. Në vendbanimin Beklemeto gjendet i ashtuquajturi Park i litarëve. “Alpinistja më e moshuar ishte një grua 75-vjeçare e cila kapërceu të gjitha pengesat” – rrëfen pronari i parkut Millko Çakërski, duke shtuar: “Parku kombinon litarë të ndryshëm, shkalla, dërrasa etj. Ky është vendi perfekt për argëtim si për të vegjlit, ashtu dhe për të rriturit. Parku është ndërtuar para 6 vjetëve dhe vazhdimisht shtojmë elemente të reja. Vitin e kaluar, p.sh. ndërtuam një vend të posaçëm për fëmijët. Sivjet kemi shtuar elemente ekstreme.”

Hotelet në fshatrat Çiflik dhe Shipkovo ofrojnë turizëm spa dhe çlodhje në pishina me ujëra minerale. Bile gjatë dimrit turistët vendas dhe të huaj relaksojnë mes avujve të ujërave minerale. Vitet e fundit administrata vendase bëri shumë përpjekje për të popullarizuar turizmin, duke punuar mbi projekte të ndryshme evropiane. Kryetarja e Bashkisë së Trojonait, znj. Donka Mihajllova ka për qëllim ta kthejë vendbanimin malor në një model të turizmit të qëndrueshëm.

Снимка“Jemi duke punuar mbi rivendosjen e rrugës romake Via Trjavna – rrëfen znj. Mihallova. – Në të kaluarën kjo rrugë ka lidhur lumin Danub me Egjeun dhe ka kaluar përmes rajonit tonë. Në territorin e bashkisë ka 6 objekte të mbetura nga qyteti romak Sostra, të cilat objekte datojnë nga shekulli i II-të. Këto objekte janë lidhur në një itinerar të përbashkët. Në fakt në rrugën e Via Trajanës kalon rruga e burimeve minerale të cilat kanë cilësi shëruese.”

Bukuria e malit të Trojanit është e pa fund. Mali tërheq me vendbanimet e stilit rilindës dhe zanatet e trashëguara brez pas brezi, me byrekët e shijshëm dhe festivalet e shumta. Në vendbanimin Ajdushko sborishte në afërsi të fshatit Balkanec mund të ushtroni qitje me hark, të kalëroni dhe të përfshiheni në lojën me kaçakët. Mali i Trojanit ofron surprizë pas surprize.

Përgatiti në shqip: Anna Kapitanova
Fotografi: Veneta Nikollova



Последвайте ни и в Google News Showcase, за да научите най-важното от деня!

Më shumë nga rubrika

Si Chef Sharankov zgjodhi Rodopet në vend të Londrës dhe krijoi një koncept të ndryshëm të ushqimit dhe patriotizmit

Nga kuzhinat e zhurmshme të restoranteve londineze me yje të Michelin-it deri te një fshat i fshehur në pyjet e maleve Rodope, zhvillimi profesional i Petko Sharankovit është plot kthesa dhe surpriza. Pasi jetoi për shumë vite në Londër, ku zotëroi..

botuar më 25-01-19 8.30.PD
Foto: Muzeu Historik Rajonal - Ruse

Kishat shkëmbore dhe akuariumi më i madh i ujërave të ëmbla – Muzeu i Ruses tërheq gjithnjë e më shumë vizitorë

Ka një interes në rritje për ekspozitat dhe ngjarjet e Muzeut Historik Rajonal në Ruse. Gjatë 12 muajve të fundit, 95 966 persona kanë kaluar nëpër hapësirat muzeale, që është 5209 persona më shumë se në vitin 2023 – raporton institucioni në faqen e tij..

botuar më 25-01-19 7.10.PD

Bullgaria në hartën dimërore: qendrat tona të skive po punojnë me kapacitet të plotë

Sivjet sezoni i skive në Bullgari filloi më herët se zakonisht falë bora e rënë. Në Bansko sezoni u hap në ditët e para të dhjetorit, dhe fillimi zyrtar u vu një javë më vonë. Edhe zonat e tjera të skijimit po punojnë me kapacitet të plotë.Pavarësisht..

botuar më 25-01-15 7.05.PD