Kisha e Bojanës, simbol i Sofjes, është mikpritëse e Panairit të Mesjetës, i cili panair zhvillohet për herë të parë në kryeqytetin bullgar. Prezantohen mënyra e jetesës e paraardhësve tanë të shekujve XI-XIV – dita e përditshme, zeje të ndryshme, arte, kultura, teknikë ushtarake etj. Pra, çdo gjë që ka qenë karakteristike jo vetëm në trojet bullgare, por dhe në Bizant, Evropën Lindore, Perëndimore e Veriore, si dhe në Lindjen e Mesme.

Ndër atraksionet e panairit ka armë mesjetare, qitje me hark, instrumente të vjetra muzikore dhe ushqime e pije të përgatitura sipas recetave të vjetra. “Për sa i përket periudhës së Mesjetës bullgarët nuk e dinë me saktësi, sepse dituritë e tyre bazohen kryesisht në kinematografinë dhe mjetet në masë të informacionit. Pak dihet se gjatë Mesjetës njerëzit kanë qenë të lumtur. Kanë pasur arte të veçanta, muzikë, ushqime të shijshme dhe pije me aroma”, pohon z. Mario Filipov nga shkolla e skermës mesjetare dhe i cili merr pjesë në programin e panairit.