Për nga arsimi ekonomist, udhëtar, dashamirës i natyrës dhe fotograf për nga pasioni. Kështu e përshkruan veten Hristo Dimitrovi nga Plovdivi. Para disa ditëve ai fitoi konkursin botëror për fotografi, të organizuar së bashku nga UNESKO-ja dhe Asociacioni Kinez Folklorik dhe Fotografik. Bullgari i ri fitoi çmimin në kategorinë “Arkitekturë” në konkurrencë serioze me mbi 4 400 fotografë nga mbarë bota. Fotografitë me të cilët mori pjesë në garë janë të dy manastireve të lashta armene.
“Zgjodha të marrë pjesë me to sepse arkitektura e tyre është unikale. Njeriu duhet ta vizatojë që të ndjejë atmosferën e tyre“, tha për Radio Bullgarinë Hristo. Fotografitë i ka bërë para dy viteve gjatë një udhëtimi të tij në Armeni, si pjesë e një projekti për popullarizim të kulturës armene në Bullgari. Tregimi me fotografi i bullgarit tashmë është përfshirë në librin e UNESKO-s “Memory of Mankind”.Hristo, i veshur me kostum popullor, asistoi në ceremoninë solemne për dekorimin që u zhvillua në fund të qershorit në Pekin. Për përshtypjet e tij nga udhëtimi deri atje, ai tregon:
“Për kohën që pata, arrita të shikoj Pekinin. Na kishin organizuar vizitë te Muri i madh kinez. Në Pekin përshtypje më të fortë më bëri “Qyteti i ndaluar” dhe “Pallati veror i perandorit”. Dy vende me arkitekturë të mrekullueshme dhe me frymë, që në të vërtetë ia vlen të shihen.”
Për Hriston fotografia është mundësi që të kapish momentet që kurrë më nuk do të përsëriten. “Ke vetëm një çast që të regjistrosh dhe të mbeten për gjithmonë”, thotë ai. Peizazhi dhe arkitektura janë dy gjërat, që e tërheqin më shumë. Përveç manastireve dhe kishave të lashta fotografi i ri fotografon edhe arkitekturën moderne të qytetit të madh.
Çfarë ngjallë interesin e tij ndaj fotografisë?
“Dua të lexoj dhe të udhëtoj. Në revista si National Geographic, në të cilat po lexoj për vende të ndryshme interesante nëpër botë, ka fotografi të mrekullueshme –shpjegon Hristo. – Duke i parë ato të provokojnë që t’i vizitosh këto vende. Në një moment vendosa se dua edhe unë të bëj një gjë të tillë që të mund të ndaj me miqtë e mi përshtypjet e veta nga udhëtimet nëpër Bullgarinë, sepse unë shëtis shumë nëpër malet e Bullgarisë. Ky ishte fillimi dhe kjo më shtyri që të merrem me fotografi.”
Për cilin vend Hristo preferon të përgatis valixhen?
“Çdo një shtet e ka historinë e vet, momentet e veta interesante. Unë preferoj të drejtohem te qytetet jo aq të njohura. Jam i lumtur gjithnjë kur mund të shkojë te njerëzit e thjeshtë siç ndodhi në Armeni. Ajo ishte një shtet i panjohur për mua para pak kohe isha në Bosnja e Hercegovina. Dua të jem në mes të gjërave më të thjeshta, sepse sipas meje aje ka më shumë bukuri. Tashmë ka një urbanizim serioz në qytetet dhe tashmë po harrohen gjërat e vogla dhe prandaj duhet t’i popullarizojmë.”
Hristo po përgatitet për një konkurs të ri ndërkombëtar, këtë herë të organizuar nga Komuniteti Evropian.
Përgatiti në shqip: Zoja Kostadinova
Fotografi: arkiv personal
Bullgaria i bashkohet konsorciumit evropian të qendrave kombëtare për trajtimin e kancerit. Para BNR-së, dr. Asja Konsullova theksoi se për këtë është punuar për shumë vite, “sepse pacienti bullgar meriton të trajtohet në një qendër kanceri dhe në..
Bullgarët janë të vetëdijshëm për shkaqet dhe pasojat e ndryshimeve klimatike. Por ata janë të painformuar për kundërmasat. Këtë e tregojnë të dhënat për vendin, nga sondazhi i fundit i 6-të radhazi i klimës i Bankës Evropiane të Investimeve...
Në një seri materialesh do t'ju tregojmë për vizat që kërkohen për qëndrim dhe kalim tranzit përmes Bullgarisë, si dhe për qytetarët e të cilave shtete kanë nevojë për to. Siç dihet, nga 31 mars 2024, Bullgaria është pjesë e zonës Shengen nga ajri dhe..
Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një..
Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i..