Pothuajse nuk ka një grup orkestral nëpër botë, në të cilin të mos përfshihet një muzikant bullgar. Artistët tanë janë të vlerësuar lart jashtë shtetit. Një nga përfaqësuesit e “erës së artë” të violinistëve bullgarë është prof. Georgi Badev, i cili në fund të muajit korrik feston ditëlindjen e vet të 75.
Në prag të festës së vet, Maestroja u kthye në fëmijërinë e tij dhe tregon për mësuesin e tij të parë në violinë – daja i tij Petër Haxhiangjellov:
“Ai ishte pedagogu i vetëm në violinë në qytetin Vidin, dhe kishte shumë nxënës. Një nga krijuesit e orkestrës vendase simfonike dhe koncert-mjeshtër i tij. Për nga profesioni ishte jurist. Rreth dajës tim unë pata mundësinë të shkoj në provat e orkestrës dhe të njihem nga afër me shumë vepra nga më të mirat muzikore. Përveç kësaj, muzika e frymëmarrjes e qytetit nën dirigjimin e Borisllav Mihajllovit zhvillonte koncerte në kopshtin buzë Danubit. Kjo ishte një formë e veçantë e shijes estetike, kurse për fëmijët një njohje e shkëlqyer me muzikën.”
Një rol të rëndësishëm në zhvillimin e Georgi Badevit luan pedagogu i madh i violinës Vlladimir Avramov. Ja se çfarë u kujtua Maestroja për takimin e tyre të parë, që e përmbush me simpati ndaj mësuesit të ardhshëm:
“Isha i ftuar të takohem me profesorin Avramov në shtëpinë e dirigjentit Borisllav Mihajllov. Aty ishte përgatitur një tryezë e shkëlqyer me gjellë të shijshme. Për desert kishte tortë. Unë ekzekutova pak përpara profesorit. Daja im më kishte dhënë violinën e tij, e cila ishte mjaft e madhe për mua. Pasi përfundova, Vlladimir Avramovi tha: “Ia jap copën time të tortës Zhorkos, sepse ai sot i binte shumë bukur”. Këto fjalë të tij ishin vendimtare për zgjedhjen time. U mendova: “Përderisa më jep copën e tij të tortës, çfarë më tepër mund të kërkojë unë nga një pedagog!” Avramovi e këshilloi babanë tim të transferohemi në Sofje. Në kohën e kaluar ishte mjaft e vështirë të gjesh shtëpi. Por për fat, tezja ime jetonte në të njëjtën godinë me profesorin dhe unë duhej vetëm të zbres nëpër shkallët që të mund të vete në mësim.”
Prof. Badev i pëlqen shumë muzika bashkëkohore. Jo të gjithë violinistët e brezit të tij janë pasionuar për kësaj muzike. Si lindi interesi për muzikën bashkëkohore?
“Në jetën time pata mundësinë të jem koleg dhe njëkohësisht shok me dirigjentët e mëdhenj – Konstantin Iliev dhe Dobrin Petkov – thotë violinisti. – Bashkëpunimi ynë zgjoi interesin për muzikën bashkëkohore. Që në kohën e adoleshencës komunikoja me kolegë me të cilët një herë në javë dëgjonim vepra moderne (të Karlheinz Stockhausen-it, Pierre Boulez-it dhe të Luigi Nano-s). Kishin një gramafon hungarez dhe e përcillnim atë me një karrocë shtëpi më shtëpi.”
Megjithëse ka hequr dorë nga skena e koncerteve, prof. Georgi Badev gjithmonë është gati për të dhënë këshillë. Në shenjë respekti për profesorin këtë verë kolegët e tij në Plovdiv nxjerrin CD-në “Koncert për violinë, piano dhe kuartet nga Ernest Chausson.”
Përkthyen: Nataniela Vasileva dhe Anna Kapitanova
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është autor i tekstit dhe recitativit, bazuar në atmosferën gjatë muajve të verës në bregdetin bullgar të..
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga..