Ndoshta më mirë do të ishte të kishim mbikëqyrur Pllamen Oresharskin me xham zmadhues para një viti. Sepse sjellja e tij gjatë 421 ditëve në postin e kryeministrit do të ishte më e qartë. Por siç thotë shprehja: “më mirë vonë se kurrë”.
“Unë nuk jam politikan” – deklaroi z. Oresharski në fillim të vitit në një shou televiziv. Wikipedia ndoshta do të pajtohet me këtë dhe datës së zgjedhjes së tij kryeministër (29 maj 2013) do t’ia shtojë datën e dorëheqjes (24 korrik 2014). Mirëpo, Wikepedia nuk do të shënojë “i papërcaktuar” dhe “kukull”, por shumë bullgarë do ta mbajnë mend Oresharskin pikërisht me këto komente. Bullgarët po ashtu do të mbajnë mend datën e 14 qershorit 2013, kur një emërim jo transparent provokoi protestat e mijëra qytetarëve, të cilët kërkuan dorëheqjen e tij të menjëhershme.
Çfarë politikë bënte Oresharski? Të majta apo të djathta janë bindjet e tij politike? Përgjigjet janë të paqarta sot e kësaj dite. Por Oresharski është pjesë e jetës politike të Bullgarisë 12 vite të tëra. Gjatë vitit 2002 kryeministri në dorëheqje dhe i qeverisë sociale ishte zv.kryetar i të djathtit Bashkim të Forcave Demokratike, dhe pas kësaj zv.ministër i financave i ngritur sërish nga e djathta politike. Por pas një sërë takimesh të çuditshme me liderët e ekonomisë ilegale, Oresharski është hequr në mënyrë kështu të thuhet elegante. Dy vjet më vonë ai bëri kthesë politike në 180 gradë – Oresharski zuri postin e ministrit të financave gjatë qeverisjes së socialistit Stanishev. Dhe pa qenë anëtar i Partisë Socialiste Bullgare, jo-politikani pa librezë partiake u zgjodh deputet i listës së socialistëve. Dhe në fund – kryeministër në kabinetin e “ekspertëve”. Pozita të larta në dy kampe plotësisht të ndryshme politike – biografia e tij është për të pasur zili.
Ndoshta në biografinë e tij politike gjendet përgjigja e pyetjes “Pse pikërisht Pllamen Oresharski u zgjodh nga socialistët në krye të kabinetit të koalicionit me Lëvizjen për të Drejtat dhe Liritë, të qeverisur pa marrëveshje koalicioni?” Një politikan i tillë është i përshtatshëm të jetë kukull. Dhe këtë rol Oresharski e luajti pa gabim. Deri kur – nuk është e qartë. A është gati jo-politikani i radhës, do të shohim në të ardhme. Mirë do të ishte nëse përdorim xham zmadhues në mbikëqyrjen e kandidatëve para se të uzurpojnë pozita të larta.
Përktheu: Anna Kapitanova
Bullgaria ka një qëndrim shumë të qartë dhe konsekuent për integrimin evropian të Maqedonisë së Veriut, bazuar në zbatimin e rreptë të konsensusit evropian nga korriku i vitit 2022. Këtë e deklaroi zëvendësministri i punëve të jashtme Ivan Kondov në..
Në rezidencën "Bojana", ushtruesi i detyrës së kryeministrit dhe të ministrit të jashtëm, Dimitër Gllavçev i mirëpriti stafit diplomatik në pritje për Ditën e Dikaterit Diplomatik Bullgar - 19 korrik dhe 145 vjetorin e themelimit të shërbimit...
Importet e litiumit nga Serbia do të ndihmojnë BE-në të zvogëlojë varësinë e saj nga Kina Kancelari gjerman Olaf Scholz dhe nënkryetari i Komisionit Evropian i ngarkuar për energjinë Maros Ševçović do të vizitojnë..
Në Turqi dhe Greqi presin një rendiment më të mirë të ullinjve Vjelja e vajit të ullirit në Turqi do të jetë rekord...