Koncertet në kuadrin e Festivalit Ndërkombëtar Folklorik në qytetin Burgas nuk jepen vetëm në skenën e Teatrit Veror. Për skenat e tjera të përgatitura nga organizatorët Dimitër Maxharov sjell më shumë hollësi:

“Kemi siguruar edhe 13 skena të tjera në të hapur. Ato janë në komplekset e banimit, në pjesën qendrore edhe në disa nga vendbanimet e afërta. Në këtë mënyrë të gjitha grupeve u sigurohet mundësia të prezantojnë krijimtarinë e tyre. Jemi me shpresë se veprimtaria e sivjetshme do të jetë një festë si për miqtë e qytetit, ashtu edhe për banorët vendas. Kemi në plan të organizojmë një mbrëmje të miqësisë, në të cilën pjesëmarrësit do të njihen më mirë me njeri tjetrin. Vizituesit do të kenë mundësi të asistojnë edhe në demonstrimin e zakonshëm të zanateve popullore. Kemi në plan, që në një takim krijues udhëheqësit e formacioneve të veçanta të shkëmbejnë përvojën e tyre krijuese.”

Përgatiti në shqip: Svetllana Dimitrova

Fotografitë janë ofruar nga organizatorët