Lojërat olimpike kanë për qëllim të përhapin frymën olimpike dhe sportive dhe të stimulojnë aktivitetin sportiv ndër të rinjtë. Edicioni i dytë i forumit, i cili u zhvillua në qytetin kinez Nanxhin, mblodhi të rinj nga e gjithë bota. Atletët e rinj morën pjesë në 28 lloje sporti, për të treguar, se olimpiada vazhdon t’i bashkojë njerëzit.
Bullgaria mori pjesë me 27 sportistë në 14 lloje sporti. Gjatë edicionit të parë në Singapor para 4 vjetësh ajo fitoi dy medalje të arta dhe një të bronzit, por gjatë kësaj vere sukseset e mëdha të sportistëve të rinj bullgarë i gëzuan fansat dhe analizatorët sportivë. Sukseset e të rinjve bullgarë sjellin shumë optimizëm për të ardhmen e sportit në vendin tonë.
Betina Temellkova i solli dallimin e parë Bullgarisë. Ajo fitoi medaljen e argjendtë në turneun e xhudos tek të reja në kategorinë deri në 52 kg. Bozhidar Andreevi fitoi medaljen e parë të artë për vendin tonë, duke fituar titullin në kategorinë deri në 69 kg në turneun për peshëngritjen. Lidija Nençeva fitoi medaljen e dytë të artë për Bullgarinë në Nanxhin. Ajo fitoi titullin në 10 metra me pistoletë sportive për ekipe të përziera në turneun e qitjes sportive. Medalja e tretë e artë ishte fituar nga 18 vjeçari Bllagoj Najdenov, boksier, në kategorinë deri në 81 kg. Në fushën e boksit Dushko Mihajlov fitoi medalje të argjendtë në kategorinë deri në 56 kg. 17 vjeçari Kirill Millov fitoi medalje të argjendtë në kategorinë deri në 85 kg në turneun e mundjes, stil klasik duke dëshmuar, se në këtë sport Bullgaria është një force e patundshme.
Gjimnastika artistike është sport, ku Bullgaria ka suksese serioze dhe gjimnastet tona të reja demonstruan se traditat nuk janë harruar. Elena Bineva, Aleksandra Mitroviç, Emilija Radiçeva, Sofia Rangellova dhe Gabriella Stefanova fituan medaljen e argjendtë. Në vendin e parë u klasifikua ekipi rus, ndërsa në vendin e tretë mbeti ai i Kazakistanit.
Kështu pas përfundimit të lojërave bilanci për Bullgarinë është 7 medalje të fituara. Bullgaria është e lumtur për sukseset e talenteve të saj të rinj në fushën e sportit. Olimpiada tjetër e rinisë do të zhvillohet në Buenos Aires në vitin 2018 dhe pritjet nga sportistët bullgarë do të jenë të larta. Duhet të theksojmë, se dallimet nga Nanxhini janë për disiplina, të cilat luajnë rol të rëndësishëm në plotësimin e koleksionit të pasur të medaljeve të vendit. Këto medalje tregojnë gjithashtu, se rruga drejt sukseseve botërore sportive pa tjetër kalon përmes stimulimit të zhvillimit të sportit të rinisë dhe të fëmijëve.
Përgatiti në shqip: Sofia Popova
Para disa ditësh filluan Lojërat Olimpike Verore XXXIII. Për herë të tretë në historinë tonë moderne dhe saktësisht një shekull pas pritjes së fundit, forumi më i rëndësishëm sportiv po mbahet sërish në kryeqytetin francez Paris, i cili është dhe..
Në vazhdim të 19 ditëve, më shumë se 10 000 atletë nga 206 vende do të garojnë në 32 disiplina të ndryshme. Bullgaria do të përfaqësohet me 46 sportistë. Kjo është një nga ekipet më të vogla të vendit tonë në Lojëra Verore deri më sot. Me..
Radina Veliçkova fitoi medaljen e artë në 100 metra për vajza në Kampionatin Evropian të Atletikës së Lehtë nën 18 vjeç në Banska Bistrica të Sllovakisë. 16-vjeçarja Veliçkova përfundoi për 11.46 sekonda. Kështu ajo vendosi një rekord kombëtar bullgar..
"Respekt për guximin e Svetllana Kamenovës, e cila garoi në kategorinë e femrave në Lojërat Olimpike. Asnjë grua nuk duhet të garojë me një burrë...
Akoma në ditën e parë të eliminimit në Turneun e Volejbollit në Olimpiadën e Parisit, arbitri më i mirë bullgar Ivajllo Ivanov do të jetë arbitri i..