Tashmë edhe në Bullgari secili që dëshiron mund të legalizojë dhe të marrë një dokument për zotërimin e profesioneve të ndryshme, dituritë dhe aftësitë, për të cilat janë të fituara jashtë sistemit arsimor. Tani për tani profesionet më të preferuara janë në fushën e turizmit dhe shërbimeve. Janë të lëshuara certifikate për 60 profesione. Ndër ta dominojnë kuzhinierët, floktarët, operatorët e kompjuterit, teknikë të autotransportit dhe montatorë elektrikë. E gjithë kjo u bë fakt në sajë të projektit “Mundësi të reja për të ardhmen time” që realizohet nga Ministria e Arsimit dhe e Shkencës me ndihmën financiare të Programit Operativ “Zhvillim të resurseve njerëzore”. Projekti është në përmasë më se 5 800 000 leva, përafërsisht 3 milion euro. Qëllimi është të krijohet dhe të sprovohet sistemi për identifikimin dhe njohjen e diturive, aftësive dhe kompetencave të fituara në mënyrë autodidakte dhe jo formale.
Si duken rezultatet e këtij projekti të shprehura me shifra? U hartuan 42 programe mësimore, më se 1000 janë konsulentët e shkolluar, më se 10 000 veta u informuan për mundësitë të afirmojnë dituritë e tyre të fituara në praktikë, ndërsa 979 veta tashmë morën certifikatat e tyre. Motivacioni kryesor i njerëzve, që vendosën të marrin shkresën për të dëshmuar aftësitë e tyre, është dëshira, që më lehtë të gjejnë punë, ose të forcojnë pozitat, që zënë. Kryesisht ata janë burrë dhe gra në moshë nga 35 deri në 44 vjeç me arsim të mesëm. Është interesant fakti, se më se 60 për qind prej tyre kanë punë, domethënë nuk janë të detyruar nga situata të marrin një vendim të tillë.
“Vërtetimi i diturive shton motivacionin e njerëzve dhe përkrah dëshirën e tyre të rritin kualifikimin, lehtëson lëvizshmërinë e tyre, ndihmon procesin e zgjedhjes së personalit nga punëdhënësi – thekson Emilijana Dimitrova, udhëheqëse e projektit dhe kryetare e Këshillit Drejtues të Agjencisë Kombëtare të Arsimit dhe Trajnimit Profesional. – Krahas kësaj kjo lejon një objektivitet më të madh në vlerësimin e personalit dhe lejon shfrytëzimin më efektiv të sistemeve të shpërblimit të diferencuar të punës. Në këtë mënyrë kufizohet koha dhe shpenzimet për marrjen e kualifikimit përkatës profesional nëpërmjet trajnimit të avancuar.”
Marrja e certifikatës për dituritë e përvetësuara në praktikë do të ndihmojë rritjen e standardit jetik të njerëzve dhe do të nxisë daljen e ekonomisë nga sektori gri, mendon Emill Dimitrov nga Konfederata e Punës “Podkrepa”. Sindikata dhe organizatat e punëdhënësve janë partnerë të projektit.
“Kjo do t’u sigurojë mundësi të papunëve të mos frekuentojnë kurset e gjata për përvetësimin e ndonjë profesioni, të cilin ata tashmë mund ta ushtrojnë – shpjegon ai. – Krahas kësaj këta njerëz më lehtë mund të përfshihen në tregun e punës dhe në varësi të mundësive dhe diturive të gjejnë informacion për këtë çfarë kërkohet. Të mos flasim, se kjo u kursen mjete edhe tatimpaguesve.”
Përgatiti në shqip: Svetllana Dimitrova
Hapen zyrtarisht Lojërat e Olimpiadës së 33-të Verore në Paris. Me këtë rast, kreu i shtetit Rumen Radev ndodhet në kryeqytetin francez për të marrë pjesë në hapje, me ftesë të presidentit francez Emanjuell Makron dhe presidentit të Komitetit Olimpik..
Një zonë e re që kombinon një vend modern për t'u çlodhur dhe një hapësirë të përbashkët pune është tashmë në dispozicion për udhëtarët në Terminalin 2 të Aeroportit të Sofjes, njoftoi Aeroporti i Sofjes në faqen e tij në Facebook.Në këtë zonë në..
Javën e kaluar, Ursula von der Leyen mori nga Parlamenti Evropian një mandat të dytë në krye të Komisionit Evropian me më shumë vota se mandati i saj i parë. Roberta Metsola u rizgjodh me një shumicë të madhe për 2 vjet e gjysmë në krye të..
Një studim i kompanisë së zgjidhjeve të biznesit "Moneypenny" tregon Sofjen si qytetin më të mirë për një evropian mesatar për të jetuar pas daljes në..
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të..
Pas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia është bërë strukturë e..