Vjelja e rrushit filloi një javë para startit tradicional – më 1 shtator, dhe pritet të vazhdojë më gjatë për disa varietete, deri në fund të tetorit. Natyra nuk ishte shumë dashamirëse ndaj vreshtarëve gjatë këtij viti dhe pritet qe rendimenti të jetë më i dobët si sasi dhe si cilësi se sa ai i vitit te kaluar, i cili ishte nga më të mirat. Këtë e tha për Radio Bullgarinë inxh. Krasimir Koev, udhëheqës i Agjencisë Ekzekutive të Vreshtave dhe Verërave:
“Vitin e kaluar ndërmarrjet e verës përpunuan 250 mijë tonë rrush. Për rendimentin e ri të dhëna paraprake ende nuk ka, por mendoj, se do të përpunohen rreth 200 mijë tonë rrushi, që do të thotë me një të pestën më pak. Kjo është e kushtëzuar nga fakti, se gjatë këtij viti kishte breshër gjatë pranverës dhe reshje intensive pas kësaj në territorin e tërë vendit. U krijuan kushte për zhvillimin e sëmundjeve në vreshtat si myk i cili dëmton si gjethet, ashtu dhe bishtajën e rrushit. Rajone me masive të vreshtave me rendimente zero nuk ka. Më të dëmtuara janë rajonet në Bllagoevgrad, Mellnik, Sandanski. Ka shume të dëmtuar edhe në rajonin e Montanës, Vidinit, Razgradit, Silistrës dhe Tërgovishtes.
Çfarë do të jetë sasia? Do të varet në vend të parë nga kushtet atmosferike gjatë periudhës së gjatë të vjeljes së rrushit prej një-dy muajve.
“Nëse do të fillojnë përsëri reshje të gjata dhe intensive kjo do të përkeqësojë cilësinë – komenton inxh. Koev. – Nëse moti do të mbetet me diell, ai e pjek rrushin dhe e bën më të ëmbël, atëherë cilësia do të jetë më e lartë.”
Sipas fjalëve të tij, tani për tani nuk ka rrezik për imponimin e embargos mbi eksportin e verërave në Rusi dhe nuk pritet. Ky shtet gjatë viteve të fundit është tregu më i madh i verërave bullgare.
“Rreth 40-45% e eksportit tonë shkon për Federatën Ruse – saktëson shefi i Agjencisë Ekzekutive të Vreshtave dhe Verërave. – Nga tregjet e tjera do të përmend ato aziatike dhe më në veçanti tregun kinez. Gjatë dy vjetëve të fundit atje kemi rritje të madhe të eksportit të verërave bullgare. Për vitin 2013 vera e eksportuar për në Kinë ishte 1,5 mln litra. Vetëm gjatë gjashtë muajve të parë të vitit 2014 kemi eksportuar tashme 2 mln litra. Presim deri në fund të vitit eksporti të arrijë në 4 mln litra. D.m.th. do të kemi një rritje mbi dy herë. Ruajmë pranin tonë edhe në tregjet tona tradicionale prej dekadash siç janë Gjermania, Britania e Madhe, Çekia dhe Polonia.”
Për vitin 2013 Bullgaria ka eksportuar 61 mln litra verë në të gjitha segmentet e çmimit – thekson eksperti. Ai rikujton, se në vitet e krizës sektori i vreshtave dhe verërave ishte njeri prej pak fushave që vazhdimisht shënonin rritje. Ndoshta për shkak të programit kombëtar në ndihmë të vreshtarisë dhe prodhimit të verërave, që punon shumë mirë.
“Vazhdon interesi ndaj mbjelljes së vreshtave të reja në kuadrin e programit kombëtar për sektorin e vreshtarisë dhe verërave në periudhën 2014-2018 – thekson inxhi. Koev. – Programi punon me kapacitet maksimal. Interesi ndaj tij bile tejkalon mjetet, me të cilat disponojmë për mbjelljet e reja. Shpresoj se kjo tendencë do të vazhdojë, sepse ajo është një mundësi për Bullgarisë të rinovojë masivet e saj me vreshta, të mbjelle varietete të reja me rendiment më të lartë dhe të prodhohen verëra më konkurruese për tregun ndërkombëtar si çmim dhe si cilësi.”
Aktualisht masivet me vreshta në Bullgari përfshijnë 60 mijë hektarë. Gjatë viteve të fundit ato janë shtuar me 3 mijë, ndërsa gjatë vitit të tanishëm me akoma 1 mijë hektarë. Në kuadrin e reglamentit të kuotave për mbjelljet e vreshtave në BE, Bullgaria ka të drejtën e mbjelljeve deri në pak mbi 80 mijë hektarë. Inxh. Koev është i bindur, se ky kapacitet do të përvetësohet deri në vitin 2018.
Përgatiti në shqip: Sofia Popova
Një tjetër donacion i madh për komunën shqiptare të Prespës së Vogël është bërë nga Fondacioni “Kujtesa Bullgare” më 14 shtator në fshatin Globoçeni të Komunës së Pustecit. Fondacioni siguroi një kontejner mjekësor të pajisur plotësisht për fshatin..
Fshati Radevo ndodhet në Bullgarinë Verilindore, jo shumë larg nga kryeqyteti ynë detar dhe po ashtu qytet i madh turistik - Varna, distanca është rreth 30-40 minuta me makinë. Në Radevo ka jo më shumë se 60 banorë, shumica e të cilëve janë mbi 60-70..
Fshati Gomotarci në Vidin ka një histori të çuditshme. Dikur ndodhej në një vend tjetër, kilometra larg nga aty ku është tani. Pasi një murtajë e tmerrshme goditi një pjesë të madhe të banorëve të tij, të mbijetuarit vendosën të digjnin shtëpitë e tyre..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..
Bullgaria mbetet e përkushtuar ndaj misionit të përbashkët të zhvillimit të potencialit të shkencës në mbështetje të paqes në një botë të..