Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Traditat në qytet

БНР Новини

Edhe yjet më të njohur të Holivudit vështirë mund të lavdërohen me mishërimet e tyre në shumë role për një kohë të shkurtër. Kulinari i njohur, chef Penjo Ivanov vetëm për dy muaj arriti të misherohet në beqar fshati, kositës dhe mbjellës, korrës dhe bozaxhi, muzikant dhe në shumë personazhe të tjerë. U vesh me kostume të ndryshme popullore nga rajonet e ndryshme të vendit. Dhe e gjithë kjo me idenë që në mënyrë sa më atraktive të prezantohen mënyra e jetesës, zakonet, zejet e vjetra, veshja autentike të bullgarit të dikurshëm, si edhe traditat. Për këtë qëllim ishin xhiruar dhjetëra vende nëpër Bullgarinë: qytetet Sofje, Plovdiv, Vraca, Sopot, Dobriç, Çernjovo dhe Llogodazh. Përveç fotografive, disa videospote gjithashtu prezantojnë koloritin e kostumit popullor bullgar. Fotosesioni është pjesë e fushatës “Traditat në qytet”, iniciator i së cilës është chefi Penjo Ivanov. “Çdo bullgar është ruajtës i traditave. Është përgjegjësia jonë që t’i transmetojmë brezave të ardhshëm” – është i bindur ai.

СнимкаPohon gjithashtu, se kur vishesh me një kostum popullor autentik nga cili do qofsh rajoni të vendit emocionet janë të mëdha.

“Më pëlqen secili kostum popullor – shton ai. – Është fakt, se disa janë më praktikë dhe më të rehatshëm. Për disa të tjerë te nevojitet ndihmë për të veshur. Nuk ka të tillë, për të cilat të mund të them se është kostumi im i dashur. Përveç kësaj kam të afërm dhe rrënjë në shumë rajone të vendit, kështu realisht të gjitha këto rajone më sjellim një energji të veçantë.”

Në fotosesionet e ndryshme Penjo Ivanovit u bashkohen valltarë nga shkollat vendase folklorike dhe amatorë. Në Sopot si modele për fotografit kanë marrë pjesë nxënësit e Esnafit të qytetit. “Gjithmonë gëzohem, se ka njerëz të cilët i mësojnë fëmijët e tyre të duan traditat bullgare”, thotë shefi i kuzhinës. Fushata nuk mbaron me këtë. Frymëzuesi i saj pohon, se tani për tani nuk ka afat përfundimtar, ndërsa stacioni tjetër është qyteti Smioljan dhe mali mistik i Rodopeve. Dashuria e shefit të kuzhinës Ivanov ndaj traditave bullgare është prej kohe. Ai është themelues i Asociacionit për Zhvillimin e Arteve dhe Zejeve 7. Me iniciativën e tij tashmë viti të 5 të radhës zhvillohet Festivali Kombëtar i Kulinarisë “Tryeza e larmishme për vizitë në qytetin tim”. Kjo festë për të gjitha shqisat mund të lavdërohet me mbi 80 vizita ne lokalitetet të ndryshme të vendit.

Снимка“Kulinaria është theksi – shpjegon Penjo Ivanov. – Organizojmë ekspozitë të madhe, ku prezantohen gjella tipike, të gatuar nga njerëzit vendas. Në festival ka vend edhe për kuzhinën profesionale. Mjeshtër të kuzhinës demonstrojnë atësitë e tyre, duke përgatitur specialitete të ndryshme, të cilët mund të shijohen nga vizituesit. Vend i veçantë i është kushtuar folklorit. Amatorë dhe profesionistë – valltarë ose muzikantë, prezantojnë repertorin e tyre. Jo në vend të fundit do të përmend dhe konkursin për vizatime të fëmijëve “Recetat e gjyshes”. Vizatimi më i mirë përdoret për përgatitjen e pllakatit të festivalit.”

Mjeshtër zejtarë nga tërë vendi po kështu kanë mundësi të demonstrojnë aftësitë e tyre. Element i detyrueshëm i buqetës “Tryeza e larmishme” është “tepsia e shefi”. Në të kulinari Ivanov sipas traditës gatuan fasule të shijshme, të kombinuar me shumë perime dhe proshutë të tymosur.

Përgatiti në shqip: Sofia Popova

Fotografi: A.R.I.Z.7



Последвайте ни и в Google News Showcase, за да научите най-важното от деня!

Galeria

Më shumë nga rubrika

Hungaria merr presidencën e BE-së: çfarë axhendesh do të formojë në gjashtë muajt e ardhshëm dhe a priten kompromise në disa nga linjat kryesore politike të Bashkimit

Hungaria mori presidencën në një moment kyç për Bashkimin Evropian, por edhe mes frikës se vendi do të bllokonte ose vononte çështje të rëndësishme të politikës së jashtme dhe të sigurisë që kërkojnë unanimitet. Vendi, i udhëhequr..

botuar më 24-07-03 9.19.MD
Shkolla Verore e Gjuhës Bullgare

Filloi Shkolla Verore e Gjuhës Bullgare në Tiranë

Ditën e djeshme filloi Shkolla Verore e Gjuhës Bullgare e cila do të zhvillohet në auditoret e Fakultetit të Gjuhëve të Huaja të Universitetit të Tiranës në periudhën 1-25 korrik 2024 . Kjo shkollë verore, e para dhe e vetmja e këtij lloji,..

botuar më 24-07-02 11.35.PD

Specialistët e filologjisë franceze në vendin tonë kanë mundësi të mira për realizim profesional

Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze respektoheshin tek pjesa më e arsimuar e shoqërisë sonë si bartëse e vlerave evropiane. Dhe në..

botuar më 24-07-02 7.10.PD