Për të satën herë të radhës nëpunës të “Sistemeve ujitëse” kanë dalë në grevë gjatë këtyre ditëve për shkak të rrogave të pa marra muaj të tërë me radhë. Situata e provokuar mbase nga ndryshimi i pamenduar mirë në ligjin për ujërat gjatë vitit 2010, përsëritet periodikisht që atëherë. Në vija më të përgjithshme bëhet fjalë për këtë – furnizimi i ujit për ujitje të agrarëve duhet të formojë fitimin e shoqërisë, kurse veprimtaritë në bazë të “parandalimit të ndikimit të dëmshëm të ujërave” d.m.th. mirëmbajtja e pajisjeve dhe derdhja e ujit në rastet e shirave të tepërta, të cilat i kemi me bollëk sivjet paguhen nga shteti. Në bazë të shkaqeve të ndryshme, e fundit nuk i paguan firmës.
Me një ndrojtje të madhe zëvendësministri i përkohshëm i bujqësisë inxhinieri Georgi Kostov nënvizoi përpara mediave se në rastin konkret me rrogat shteti nuk ka sesi të ndihmojë: “Kjo është një shoqëri shtetërore, por jo tregtare dhe shteti nuk mund të jap para për rroga aty për aty pa u akuzuar nga Komisioni Evropian në një ndihmë të pa rreglamentuar shtetërore”. Por mbetet e hapur çështja nëse shteti i kryen vendimet e veta personale për pagimin e veprimtarive të firmës mbi “parandalimin e ndikimit të dëmshëm të ujërave”. Për këtë vit janë dërguar 12 milionë leva (6 mln euro), por nuk është kryer detyra që deri më 31 mars shteti të paguaj borxhet e veta të grumbulluara për periudhën 2011-2013.
Këto para është dashur të vijnë nga një degë tjetër, që nuk ka qenë e plotësuar e kështu me radhë. Në përgjithësi paragrafi 22 klasik. Pas këtij problemi me rrogat e papaguara del edhe një tjetër mjaft më i madh – sistemi pothuajse i shkatërruar në praktikë për ujitjen në vend. Shpërbërja e ekonomive kooperative agrare dhe kthimi i tokave ish pronarëve të tyre qe shoqëruar tek ne me shkatërrimin e sistemit shumë të mirë dhe të gjerë dikur prej pendëve, kanaleve dhe stacioneve me pompa për ujitje dhe hidromelioracion. I bën nder shoqërisë “Sisteme ujitëse” se në këtë situatë të ndërlikuar tani për tani e frenon gjendjen e jashtëzakonshme të tanishme në vitin e sivjetshëm, pohoi zëvendësministri.
Drejtori ekzekutiv i firmës Dimitër Metodiev paralajmëron: “Kjo nuk do të thotë se, edhe në të ardhme nuk do të kemi një situatë fatkeqësie. Pjesa më e madhe e pajisjeve, më në veçanti stacionet e pompave janë prej 70 vjetëve. Liqenet artificiale janë të ndërtuara kryesisht gjatë viteve 50 dhe 60 të shekullit të kaluar dhe e kanë kaluar afatin teknologjik për eksploatim.”
Zgjidhjen e këtij problemi të madh për bujqësinë bullgare e presim nga Banka Botërore, e cila duhet deri më qershor të vitit 2015 të përgatisë një strategji për rregullimin dhe drejtimin e sistemit për ujitje dhe hidromeliorim në Bullgari. Zakonisht Banka Botërore lëshon grante për një veprimtari të ngjashme, por në rastin tonë tanimë është kaq e ngutshme dhe kritike, saqë shteti paguan bankën të mund ajo të punojë këtë strategji, komenton inxhinieri Kostov. Bisedimet filluan akoma gjatë vitit 2012, por u zgjatën e u zvarritën dhe marrëveshja ishte e finalizuar mezi gjatë muajit korrik të këtij viti. “U kemi dhënë afate shumë të shkurtra”, theksoi para Radio Bullgarisë zëvendësministri i përkohshëm.
Çfarë pikërisht presim nga ekspertët e Bankës Botërore?
“Së pari projekti duhet t’i bëjë analizë të gjitha veprimtarive mbi ujitjen dhe mbrojtjen nga veprimi i dëmshëm i ujërave – deklaroi zëvendësministri Kostov. – Por duhet dhe të propozojë këto vendime. Fillimisht një strukturë të përshtatshme mbi bazën e praktikave më të mira botërore. Së dyti – mbase ndryshimet në ligj dhe në vend të tretë një periudhë kalimtare për kryerjen e tyre. Dhe po kështu çfarë do të na kushtojë kjo dhe ide për një ndihmë nga jashtë.”
Nën një ndihmë të jashtme kuptohen fondet evropiane, mbase Fondi Agrar Evropian për zhvillimin e rajoneve fshatare dhe mundësisht në kuadrin e periudhës së tanishme buxhetore të Komisionit Evropian (2014-2020).
Përgatiti në shqip: Nataniela Vasileva
45% e të rinjve në Bullgari preferojnë të punojnë për një punëdhënës bullgar, sipas një sondazhi përfaqësues kombëtar të kryer në maj nga agjencia e sondazheve të marketingut në internet JTN dhe Bulgaria Wants You (një platformë që synon të ofrojë..
Banka Botërore parashikon një përmirësim më të përmbajtur të rritjes ekonomike të Bullgarisë këtë vit dhe në vitin 2025. Në raportin e fundit “Perspektiva Ekonomike Globale”, institucioni pret një përshpejtim të lehtë të rritjes së PBB bullgar nga..
Në tremujorin e parë të vitit 2024, produkti i brendshëm bruto (PBB) u rrit me 1.8% krahasuar me të njëjtën periudhë të vitit 2023. Parashikimet e para ishin për një rritje prej 1.7%, sipas të dhënave të Institutit Kombëtar të Statistikave. PBB e..