I krijuar në vitin 1993 me ide të koreografit Asen Pavllov Ansambli “Çinari” është njeri prej kolektivave të parë privatë folklorik në vendin tonë. Në vazhdim të viteve formacioni kishte disa spektakle të suksesshme, bëri turne në SHBA, Gjermani, Francë, Serbi, Moldavi, Itali, Koren e Jugut dhe në vende të tjera. Interpretuesit që bashkon janë valltarë, këngëtarë dhe instrumentistë profesionalë. Sot, më 27 nëntor në sallën 1 të Pallatit Kombëtar të Kulturës ata prezantojnë spektaklin e tyre të ri “Trakët”. Sipas z. Pavllov, shfaqja e re është një lexim interesant i trashëgimisë sonë kulturore-historike.
“Spektakli “Trakët” po përgatitet gjatë 2-3 vjetëve të fundit – tregon Asen Pavllov. – Muzikën ua kam besuar grupit “Bullgara” dhe udhëheqësit të tij Kirill Dobrev, me të cilët kam punuar edhe më përpara. Prezantojmë dhe projektin tonë të ri “Etnotix”, që përfshin vajza të mrekullueshme të reja – 4 mandolina, vokal dhe perkusione. Ekipi im krijoi “Legjendën për maskën mistike”, të cilën do të prezantojmë. Ndërsa në “Legjendën për Orfeun dhe Kozmosin” do të zbuloni mitin për Orfeun dhe Euridiçen. Në shfaqje përdorim dhe mjete të ndryshme me të cilat i shpjegojmë publikut nocione dhe dukuri, sepse jo të gjithë janë njohur me trakët dhe kulturën e tyre. Vende-vende ka tekst të tregimtarit, i cili shpjegon çfarë janë grifonët e etj. Ka disa trajtime të kësaj periudhe të hershme historike, në të cilën është zhvilluar kultura trake. Unë vet kam teori vetjake, por në spektaklin tonë kemi përfshirë vetëm fakte, të cilët konsiderohen nga shkencëtarët si të sigurta.”
Angell Dobrev – interpretuesi i mandolinës, pedagog dhe kompozitor, është ndër solistët e Orkestrës për Muzikë Popullore të Radios Kombëtare Bullgare. Ai është dhe udhëheqësi artistik dhe dirigjent i formacionit “Etnotix”. “Ideja për krijimin e “Etnotix”-it i përket udhëheqësit artistik të Ansamblit “Çinari” Asen Pavllov, i cili më ftoi të kryesojë formacionin dhe të shkruajë muzikë për të – tregon Angell Dobrev. – Puna mbi këtë projekt është shumë frymëzuese. Sipas mendimit tim, kjo është një dukuri unike, por unë pata lirinë e plotë të “transparencës së ideve”. Jam shumë i lumtur, se më ofrua kjo mundësi. Intonacionet që kam përdorur janë para së gjithësh bullgare, por kamë përfshirë dhe shumë elemente të huaja muzikore – p.sh. lindore. Mendoj, se tërë formati është pak i pazakonshëm, por ai qëndron shumë mirë në shekullin tonë të XXI.”
Pjesa quhet “Bakhanale”.
Përgatiti në shqip: Sofia Popova
Herët në mëngjes djemtë dhe vajzat mblidhen nëpër livadhe që të luajnë me diellin. “Besohet se atëherë dielli luan sepse është solstici më i gjatë i vitit” – kjo është gjëja më e rëndësishme që duhet ditur për Ditën e Enjos, sipas tetëvjeçarit Ivo..
Një Muze Etnografik Rajonal në Plovdiv hap dyert për edicionin e 16-të të Javës së Artizanateve Tradicionale, raportojnë organizatorët e muzeut. Hapja është në Ditën e Enjos (24 Qershor), e nderuar në traditën tonë popullore si dita e barërave dhe fuqisë..
Më 22 qershor mbi 30 kuzhinierë nga i gjithë vendi mblidhen në Montana për festivalin e kuzhinës popullore "Babina Dushica". Festivali i kuzhinës është pjesë e programit për kremtimin e festës së Montanës "Shpirti i Shenjtë" në Kopshtin e..
Produktet e bëra prej leshi ngjallin ndjenjën e rehatisë dhe ngrohtësisë së brendshme tek vizitorët e Muzeut Etnografik Rajonal të Plovdivit...