Borxhi i Kompanisë Elektrike të Bullgarisë është më se 1.5 mlrd euro. Pritet të mbyllet Centrali Bërthamor në Bullgari, i dyti për nga madhësia në Gadishullin Ballkanik. Bankat edhe një herë refuzojnë t’i lëshojnë kredi monopolistit të furnizimeve me gaz nga Rusia gjigant shtetëror “Bullgargaz”. Në vend bëhen rokada në masë në postet e larta lidhur me energjetikën. E gjithë kjo është një pasqyrë e shkurtër e problemeve në fushën e energjetikës në Bullgari. Nuk është e rastit se Ministrja e Energjetikës Temenuzhka Petkova urdhëroi revizion të plotë të sektorit për t’u konstatuar mungesa financiare.
Analizatorët mbi çështjet energjetike mendojnë se kriza në sektorin e energjetikës ka të bëjë me pozitën e papajtueshme me kërkesat dhe me politikën popullsite të disa qeverive. Çfarë ndodhi? Qeveritarët vazhdimisht refuzonin vendimet e Rregullatorit të Pavarur për Energji. Ky i fundit ngulte këmbë për çmime të favorshme si për konsumatorët, ashtu dhe për shoqëritë e shpërndarjes së energjisë elektrike kështu që të funksionojnë mirë, të bëjnë investime dhe të rrisin kualitetin e prodhimit dhe shpërndarjes së energjisë elektrike.
Shkaku i dytë për situatën e komplikuar në vend është menaxhimi jo profesional dhe vendimet e gabuara. Shumica e firmave dhe shoqërive vazhdojnë të jenë pronë shteti. Në postet e rëndësishme caktohen njerëz të cilët punojnë në favor vetëm të qarqeve politike dhe të biznesit.
Faktori i tertë më i rëndësishëm i cili qëndron në bazën e kataklizmit në energjinë bullgare ka të bëjë me çmimet e energjisë elektrike. Ato janë tepër të larta për veprimtarinë normale të prodhuesve dhe tregtarëve të sektorit, të cilët nuk arrijnë të përfitojnë mjaft për të ofruar produkte dhe shërbime të cilësisë së lartë.
Më 1 janar 2014 çmimi i energjisë elektrike në Bullgari është me 45 për qind më i ulët se çmimi mesatar në BE. Në krahasim me Gjermaninë çmimi është 3 herë më i ulët, ndërsa në krahasim me Danimarkën – 4 herë më i ulët. Në këtë mënyrë publiku pret që çmimet e ulëta të energjisë elektrike të mbeten të qëndrueshme. Deri në këtë përfundim ka arritur ekspertët e Laboratorit të Menaxhimit të Rrezikut pranë Universitetit të Ri Bullgar, i cili laborator udhëhiqet nga ish-kryeministri Ivan Kostov. Bullgaria është ndër 11 vendet e BE-së, të cilat kanë “deficit” në çmimin e energjisë elektrike dhe të cilat duhet të ndërmarrin masa, shkruan Komisioni Evropian në një raport. Në rastin tonë “deficit” do të thotë se çmimi nuk mbulon shpenzimet reale të kompanisë së energjetikës. Brukseli rekomandon që 11 vendet anëtare ta përballojnë problemin, përfshiu duke rritur taksat e energjisë elektrike, kombinuar me rritjen e ndihmave energjetike për të varfrit. Mirëpo, kur në grupin e të varfërve në Bullgari bie pjesa më e madhe e popullsisë, ekuacioni praktikisht nuk mund të zgjidhet.
Përgatiti në shqip: Anna Kapitanova
Bullgaria do të marrë 65.2 milionë euro nga BE për një projekt për forcimin e rrjetit të transmetimit të energjisë elektrike në mbështetje të integrimit të energjisë së rinovueshme, sipas një deklarate nga Komisioni Evropian. Paratë janë pjesë e një..
Bullgaria mund të hyjë në eurozonë në fillim të vitit 2026. Sipas një studimi të Shoqatës së Tregtarëve të Mallrave Jo-Ushqimore, kjo është periudha reale në të cilën vendi ynë do të mund të përmbushë kriteret për Eurozonën. Sipas sondazhit, 25% e të..
Tregtia e produkteve bujqësore dhe ushqimore mes Bullgarisë dhe Kinës u rrit me mbi 37% në vitin 2023. Këtë e deklaroi ministri i bujqësisë dhe ushqimeve Georgi Tahov në hapjen e Forumit Bullgaro-Kinez të Biznesit në Sofje. Sipas tij, eksporti i..