Formacioni folklorik “Dragostinfolk” shënoi përvjetorin e tij të 20-të me një koncert në Shkollën Muzikore Kombëtare “Ljubomir Pipkov” të Sofjes. Salla e madhe e shkollës nuk ishte e mjaftueshme për të gjithë adhuruesit e këngëtareve.
Kompozitori i njohur Stefan Dargostinov është krijues i formacionit. Ai është autor i të gjitha këngëve dhe përpunimeve që hyjnë në repertorin e “Dragostinfolk-ut. Meloditë janë nga krahina të ndryshme folklorike dhe janë mbledhur me idenë që të prezantojnë pasurinë e muzikës sonë popullore. Deri tani kori i grave ka incizuar 11 disqe me vazhdimësi më se 700 minuta. Të gjitha albumet janë me moto “Ikonat tingëllore të Bullgarisë” (Sonic Icons of Bulgaria). Është kureshtare se motoja lindi më parë në variantin e saj anglez, në të cilin fjalët Sonic dhe Icons duken kështu, sikur janë formuar nga lëvizja e letrave. Kjo është vetëm një nga shenjat magjike në krijimtarinë e kompozitorit të madh bullgar dhe të ansamblit të tij. Disqet e tyre prezantojnë pikturat e mjeshtërve të mëdhenj të artit bullgar – Boris Georgiev, Vasil Stoilov, Vladimir Dimitrov – Mjeshtri, Ivan Mërkviçka etj. Incizimet transmetohen në radiostacionet e tërë botës. Shfaqjet e para të “Dragostinfolk”-ut ishin gjatë vitit 1994 në Hungari dhe Sllovaki. Në vitin 1998 “Classics CD” shpalli kompakt diskun “A love story” (Një Përrallë Dashurie) për disk më të mirë për shkak të tingëllimit bashkëkohor dhe profesionalizmit të madh të interpretueseve.
Në vitin 2011 “Dragostinfolk” ishte zgjedhur nga Radioja Kombëtare Bullgare që të prezantojë Bullgarinë në konkursin ndërkombëtar “Let the Peoples Sing”, të organizuar nga Bashkimi Evropian për Radio dhe Televizion (EBU) dhe BBC. Atje formacioni zuri vendin e dytë me interpretimet e tij të suksesshme. Këngëtaret kanë pasur koncerte në Gjermani, Austri, Çeki, Rusi, Serbi, Sllovaki etj. Arritjet personale të Stefan Dragostinovit gjithashtu janë mbresëlënëse. Është fituesi i shumë konkurseve autoritetshme për kompozim. Është profesor në Universitetin e Ri Bullgar. Atje dhe në Shkollën Muzikore Kombëtare studiojnë këngëtaret më të reja në Kor. Bashkë me to në koncertin festiv kënduan dy nga këngëtaret e kuartetit të njohur “Slavej” – Svetla Karaxhova dhe Vanja Vakari. Mori pjesë edhe perkusionisti i famshëm Stojan Jankulov – Stunxhi. Një ditë pas suksesit të tyre në Sofje këngëtaret udhëtojnë për në Gjermani për një turne të vogël.
Përgatiti në shqip: Jordanka Ivanova
Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Eva Bel dhe Emin, të cilët janë partnerë në skenë dhe kanë shfaqje së bashku, së fundmi kanë incizuar këngën e tyre të përbashkët "Unë kam gjithçka"...