27 firma, të cilat kanë emëruar punëtorë me ndërmjetësinë e byrove të punës, morën dekorata “Punëdhënësi i vitit 2014” pranë Agjencisë së Punësimit.
Për herë të parë iniciativa u është drejtuar kryesisht punëdhënësve, të cilët nuk kanë përdorur financim për stimulimin e punësimit në kuadrin e programeve kombëtare dhe evropiane. Me ndërmjetësinë e agjencisë në firmat e dekoruara gjatë vitit 2014 kanë filluar punë 3 272 veta. Shumica e tyre janë emëruar në sferën e turizmit, të industrisë së lehtë dhe të përpunimit të metaleve. Disa prej vendeve të punës në turizëm janë të përkohshme, domethënë pas fundit të stinës kontratat do të ndërpriten. Është shumë i vogël numri i njerëzve të emëruar, të cilët janë me çrregullime – vetëm tre veta.
Agjencia e Punësimit dekoroi gjithashtu disa firma dhe përfitues në kuadrin e programit e evropian “Zhvillimi i resurseve njerëzore” për përmirësimin e kushteve të punës dhe të trajnimeve profesionale. Dekorata morën edhe dy sindikatat “Podkrepa” dhe Konfederata e Sindikatave të Pavarura, si dhe një prej pesë organizatave të punëdhënësve – “Asociacioni i kapitalit industrial” për organizimin e trajnimeve për të papunët. Më praktike konsiderohen kurset e Konfederatës së Sindikatave të Pavarura për lulishtarët dhe infermieret, të cilat ndiqen kryesisht nga njerëzit që kërkojnë punë jashtë.
Mirëpo, diplomat e shpërndara dhe kokteji, me të cilin Agjencia e Punësimit shënoi partneritetin e saj të mirë me biznesin nuk e bëjnë situatën lidhur me papunësinë në vend më të mirë. Sigurisht që për këtë nuk mund të akuzohet institucioni shtetëror, sepse ai është vetëm ndërmjetës në tregun e punës, kurse vendet e punës hapen kryesisht nga sektori privat.
Në fund të vitit sipas të dhënave të Institutit Kombëtar të Statistikave të papunët janë pothuaj rreth 360 mijë, ose rreth 10.8 për qind e popullsisë së aftë për punë. Vendet e lira të punës janë mbi 18 mijë. Më shumë kërkohen hotelistët dhe punonjësit në restorant, si dhe nëpunësit në sferën e shëndetësisë, administrimit shtetëror, industrisë përpunuese. Ndërkaq, të punësuarit janë rreth 3 mln veta, kurse shteti është punëdhënës i mbi 23 për qind prej tyre.
Nga të gjitha 18 mijë vendet e lira të punës, ato të shpallura nga Agjencia e Punësimit janë nën gjysmën prej tyre. Kërkohen si rrobaqepës dhe punëtorë të përgjithshëm, ku nivelet e pagimit janë rreth 180-200 euro, kështu edhe specialistë me kualifikim të lartë në fushën e teknologjive informative dhe të marketingut, kurse pagat e ofruara nga punëdhënësi për pozita të tilla lëvizin nga 500 deri më 1200 euro, gjë që për Bullgarinë është një pagë shumë e mirë. Mirëpo, ka një hollësi të vogël – për shumicën e pozitave atraktive kërkohet zotërimi i një gjuhe ekzotike, ose kombinimi prej disa gjuhësh, zakonisht maqedonishtja, ose polonishtja dhe rusishtja. Në shumë raste të tilla bëhet fjalë për një vend pune, i cili është parashikuar për një shtetas të huaj dhe firma respekton kërkesën e ligjit për ta shpallur këtë pozitë së pari në Agjencinë e Punësimit.
Përgatiti në shqip: Vesella Mançeva
Bullgaria mund të hyjë në eurozonë në fillim të vitit 2026. Sipas një studimi të Shoqatës së Tregtarëve të Mallrave Jo-Ushqimore, kjo është periudha reale në të cilën vendi ynë do të mund të përmbushë kriteret për Eurozonën. Sipas sondazhit, 25% e të..
Tregtia e produkteve bujqësore dhe ushqimore mes Bullgarisë dhe Kinës u rrit me mbi 37% në vitin 2023. Këtë e deklaroi ministri i bujqësisë dhe ushqimeve Georgi Tahov në hapjen e Forumit Bullgaro-Kinez të Biznesit në Sofje. Sipas tij, eksporti i..
45% e të rinjve në Bullgari preferojnë të punojnë për një punëdhënës bullgar, sipas një sondazhi përfaqësues kombëtar të kryer në maj nga agjencia e sondazheve të marketingut në internet JTN dhe Bulgaria Wants You (një platformë që synon të ofrojë..
"Punonjës në administratë nuk janë fjalë të pista" – me një slogan të tillë në fillim të muajit prill, punonjësit e shtetit protestuan nën dritaret e..