Një heroizëm të vërtetë, me gjithë diabetin, shënoi alpinisti Bojan Petrov, i cili brenda 10 ditëve u ngjit në tre maja 8 mijë metrashe – Kançedzjonga(8586 m), Broud Pik (8047 m) dhe K2 (8611 m) pa oksigjen dhe pa ndihmës. Për vitin 2015 Petrov ka planifikuar të ngjitet në dy maja që nuk janë pushtuar deri tani nga bullgarë – Manaslu (8136 m) dhe Shisha Pangma (8013).

Pa bërë shumë gjurmë edhe Federata Bullgare e Sportit Automobilistik shënoi një vit plotë me suksese. Ekaterina Stratieva u bë numri 1 tek femrat në një rally në Evropë, Kalin Dedikov dhe Georgi Pavllovi – u bënë të tretë në Kampionatin e Eko Rally-së Botërore në Greqi, ndërsa Aleksandër Jazovi – kampion i Evropës në drift. Nikollaj Zllatkovi meritoi Kupën evropiane të ngjitjeve malore, ndërsa Krum Donçevi dhe navigatori i tij Petër Jordanov fituan trofeun evropian të Rally-së të FIA për vitin 2014.

Në atletikën e lehtë pas 45 vjetëve u thye rekordi kombëtar nga 8:25.02 i Mihaill Zhellevit në vrapim me pengesa në 3000 m. Me këtë rezultat Zhellevi fitoi Titullin Evropian për Bullgarinë në 1969. Sivjet rekordi ishte përmirësuar nga Mitko Cenovi me 8:20.87 në Kampionatin Evropian në Cyrih të Zvicrës.

Në ceremoni në Parlamentin Evropian Sofja u shpall Kryeqyteti Evropian i Sportit në vitin 2018, ndërsa Burgas – për Qytet Evropian të Sportit gjatë 2015, që është një njohje e denjë për Bullgarinë.

Gjatë nëntorit dyluftimi midis Kubrat Pulevit dhe ukrainasit Vladimir Kliçko nga sulmet në mediat u transferua në ring. Pritjet e bullgarëve për beteje për titullin evropian në boks nuk u justifikuan dhe Pulevi pësoi dështim me nokaut  në rundin e pestë. Siç duket dyluftimi do të vazhdoje në gjykatë, sepse kampioni botëror nisi një  çështje gjyqësorë kundër bullgarit me akuzë për përdorimin e dopingut.

Tenisti Grigor Dimitrov fitoi çmimin “Goditja e vitit” në klasifikimin e TennisTV.com – sajti zyrtar i ATP. Tenisti më i mirë bullgar mori 76% prej votave të përkrahësve  për zbatimin atraktiv të goditjes në ndeshjen kundër Ernests Gulbis (Letoni) në rrethin e tretë të turneut nga seria “Masters” në Indian Wells, Kaliforni.

Me shtatë medalje – tre të arta dhe katër të argjendta, përfundoi Bullgaria pjesëmarrjen e saj në Lojërat Olimpike Rinore në Nanjing. Çmimin e artë e merituan Bllagoj Najdenov (boks, 81 kg), Lidija Nençeva (qitje sportive) dhe Bozhidar Andreev (ngritja e peshave, 69 kg).Medalje të argjendta fituan Betina Temellkova (xhudo, deri në 52 kg), mundësi Kirill Millov (deri në 85 kg), ansambli i gjimnastikës artistike dhe boksieri Dushko Bllagovestov (deri në 56 kg).

Këto nuk janë të vetmet suksese të boksit bullgar gjatë vitit 2014. Në Bukuresht tek femrat Stojka Petrova (deri në 51 kg) u bë kampione evropiane, ndërsa Stanimira Petrova (deri në 54 kg) u bë e para në Kampionatin Botëror në Xhexhu të Kores. Përpara arit të tij olimpik Bllagoj Najdenov fitoi në Sofje titullin botëror. Para pak kohe djaloshi i cili nuk u shpërble nga shteti për sukseset e tij të mëdha, nënshkroi kontratë me menaxherin irlandez Gari Hajd dhe do të debutojë në ringun profesional gjatë janarit të vitit 2015.

Duke lënë pas shpinës urrejtjen e ekipeve të kryeqytetit “Levski” dhe CSKA fenomeni në sportin bullgar – skuadra “Ludogorec”, e cila hyri në grupin A në vitin 2011, edhe gjatë vitit 2014 dëshmoi, se në Bullgari mund të ketë futboll cilësor dhe atraktiv. Klubi shënoi një sensacion, duke çuar në Bullgari ekipin “Real” të Madridit dhe “Liverpool” për fazën grupore të Ligës së Kampionëve. Ajo për vit të dytë me radhë  ruajti vendin e saj në Top 80 të klubeve të Evropës.

Arritje të mëdha patën edhe vajzat e arta të Bullgarisë në gjimnastikën artistike. Ndër medaljet e fituara prej tyre janë titulli në shumëgarëshin për ansamblin në Kampionatin Botëror në Izmir, medaljen e artë nga Baku dhe medaljen e argjendtë në shumëgarëshin të Lojërave Olimpike Rimore. Këto ditë medalje të artë në shumëgarëshin fitoi dhe Borjana Kalein në Turneun Ndërkombëtar “New Year Cup Moste” në Lubjanë të Sllovenisë.

Përgatiti në shqip: Sofia Popova