Vlladimir Karparovi tregon për “Forkolor” dhe albumin e tij të ri

botuar më 15-01-03 4.05.MD

Foto: forkolor.com

Kuarteti i saksofonave “Forkolor” është krijuar në vitin 2009 nga Vlladimir Karparovi. Para disa javësh formacioni prezantoi në Berlin albumin e tij të parë.

“Ех 13”, me pjesëmarrjen e Nedjallko Nedjallkovit – fyell, muz. Vlladimir Karparovi

Update Required To play the media you will need to either update your browser to a recent version or update your Flash plugin.

“E dua shumë saksofonin për shkak të timbrit të tij të pasur, vibracioneve, mundësive që ofron si instrument” – rrëfen Vlladimiri. Njëra prej ëndrrave të tij gjithmonë ka qenë të formojë kuartet me saksofona. Arriti të realizojë pas disa vjetësh pasi ka ikur të jetojë në Gjermani. Në “Forkolor” ka tre partnerë instrumentistë gjermanë. Katharina Thomsen është e vetmja grua mes tyre, i bie saksofonit bariton. Ajo është makinë e vërtetë “groove” sipas kolegëve të saj dhe në mënyrë të mrekullueshme mban ritmin dhe tonet e ulëta në harmoni. Florian Trubsbach dhe Andre Cimiotti u bien saksofonave alt. Me saksofonin tenor interpreton lideri i grupit. Kuarteti ka pasur shumë aktivitete në fund të tetorit dhe në fillim të nëntorit. Në atë kohë në Gjermani dhe në mbarë Evropën ishte shënuar 200 vjetori i lindjes së Adolph Sax. Mjeshtër i veglave muzikore, belgu ka shpikur saksofonin. Prandaj 6 nëntori – ditëlindja e tij, shënohet si Dita Ndërkombëtare e këtij instrumenti.

“Razgele”, muz. Vlladimir Karparovi

Update Required To play the media you will need to either update your browser to a recent version or update your Flash plugin.

“Në ditët e këtyre festimeve sikur njerëzit kujtuan çfarë mundësi ka jo vetën saksofoni, por edhe formacionet si jona. Unë vet përpara qe të shkoj në Gjermani kisha dëgjuar vetëm për kuartet me saksofona. Kuartetin e kam themeluar në lidhje me disa koncerte në Bullgari, për të cilat mora ftesë. Gëzohem, se arrita t’i bashkojë këta instrumentistë dhe kompozitorë të mrekullueshëm. Diskun që prezantojmë përfshin pjesa tona të autorit. E prezantuam në një klub të njohur të muzikës xhaz në Berlin. Rastësisht në atë kohe në qytet ishte dhe Nigel Hitchcock – një saksofonist i mrekullueshëm, që ka marrë pjesë në kuartetin legjendar të saksofonave “Itchy Fingers”. Ai në mënyrë spontane u përfshi në pjesën e dytë të programit tonë. Ishte një përjetim i jashtëzakonshëm – pesë saksofona në skenë tingëllojnë jashtëzakonisht bukur. Tashmë morëm recensione shumë të mira prej muzikantëve të autoritetshëm. E gjithë kjo na motivon të krijojmë edhe më shumë. Kemi në plan të incizojmë edhe një album tjetër me kompozime tona. Dua të përfshijë në të dhe kolegë të tjerë.”

Në Gjermani Vlladimir Karparovi punon me akoma disa formacione të tjera. “Me kuartetin Vlladimir Karparov, me të cilin interpretojmë xhaz, bëra incizime për një album të ri. Ka akoma punë për përgatitjen e tij, por shpresoj se në pranverë do të mund ta prezantojmë. Në të gjithashtu ka muzikantë të ftuar nga Bullgaria – përsëri Nedjallko Nedjallkov dhe fizarmonicisti Petër Rallçev. Marr pjesë në një trio xhaz, me të cilën para pak kohe u prezantuam në Festivalin e xhazit në Gjotingen. Vazhdoj të punoj edhe me formacionin “For Free Hands”. Ndërsa në teatrin “Berliner Ensemble” interpretoj në një spektakël, regjisore e të cilit është e njohura Katharina Thalbach. Bile kam edhe rol në skenë. Duke u njohur me historinë e teatrit, vura re, se para shumë vitesh për po këtë teatër ka shkruar muzikë kompozitori ynë i madh Panço Valladigerov dhe kjo më solli kënaqësi të madhe.”

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Vlladimir Karparovi tregon për “Forkolor” dhe albumin e tij të ri

Më shumë nga rubrika

"Ngjitës për mjekrën" - kënga për Krishtlindje që këndohet edhe gjatë verës

Një Vatër e re e Kulturës në kryeqytet do të mbajë emrin e muzikantit Kirill Mariçkov

Mesazhet e këngëve me famë botërore të Krishtlindjeve tingëllojnë edhe në gjuhën bullgare

Mesazhet e këngëve me famë botërore të Krishtlindjeve tingëllojnë edhe në gjuhën bullgare

Një Vatër e re e Kulturës në kryeqytet do të mbajë emrin e muzikantit Kirill Mariçkov

"Ngjitës për mjekrën" - kënga për Krishtlindje që këndohet edhe gjatë verës